مەملەكەتتىك حاتشى رامىزدەرگە قاتىستى رەسپۋبليكالىق كوميسسيانىڭ وتىرىسىن وتكىزدى
كەڭەيتىلگەن وتىرىسقا ورتالىق جانە جەرگىلىكتى اتقارۋشى مەملەكەتتىك ورگان باسشىلارى، مەملەكەت جانە قوعام قايراتكەرلەرى، مادەنيەت جانە سپورت وكىلدەرى، عالىمدار جانە ت. ب. قاتىستى. وتىرىس بارىسىندا مەملەكەتتىك حاتشى بيىلعى جىلدىڭ ماڭىزدىلىعىن باسا اتاپ كورسەتتى.
«قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋ تۇجىرىمداماسىنا سايكەس بيىلعى جىلدىڭ ءاربىر ايىندا ۇلكەن ساياسي ءمان بار. وسى سىندارلى كەزەڭدە ەلدىگىمىزدىڭ نەگىزگى ايناسى - مەملەكەتتىك رامىزدەرىمىزدى، تاۋەلسىزدىگىمىزدى جانە ەلدىڭ باسقا دا ۇلتتىق قۇندىلىقتاردى ارداقتاۋ ءبارىمىزدىڭ ورتاق مىندەتىمىز بولماق» - دەپ اتاپ ءوتتى. كوميسسيا وتىرىسىندا قازاقستان رەسپۋبليكاسى سىرتقى ىستەر، اقپارات جانە كوممۋنيكاتسيالار، مادەنيەت جانە سپورت مينيسترلىكتەرىنىڭ، سونداي- اق الماتى قالاسى، قاراعاندى جانە شىعىس قازاقستان وبلىستارى اكىمدەرىنىڭ مەملەكەتتىك رامىزدەردى پايدالانۋ جانە ناسيحاتتاۋ جونىندەگى جۇمىستارى تۋرالى ەسەپتەرى تىڭدالدى.
كوميسسيا مۇشەلەرى مەملەكەتتىك رامىزدەردىڭ پايدالانىلۋ تاجىريبەسى مەن مەملەكەتتىك رامىزدەر سالاسىنداعى رامىزدەردىڭ قولدانىلۋىن تالقىلادى. وتىرىس قورىتىندىسى بويىنشا مەملەكەتتىك ورگاندارمەن اكىمدىكتەرگە جۇمىستاردى ودان ءارى جەتىلدىرۋ بويىنشا ناقتى تاپسىرمالار مەن ۇسىنىستار بەرىلدى.
