ەشقاشان وركەنيەت كورمەگەن امازون تايپالارىنىڭ تاڭعاجايىپ سۋرەتتەرى - فوتو
نۇر-سۇلتان. قازاقپارات - برازيليانىڭ سولتۇستىك ايماعىنداعى قالىڭ دجۋنگليدىڭ ورتاسىندا جابايى تايپالار ءالى كۇنگە دەيىن ءومىر كەشىپ جاتىر.
موكسيحاتەتيما تايپاسىنىڭ ادامدارى ەشقاشان باسقا الەم وكىلدەرىمەن بايلانىسىپ، وركەنيەت قۇدىرەتتەرىنىڭ بىردە ءبىرىن سەزىنىپ كورمەگەن.
بۇل تۋرالى The Sun حابارلايدى.
ولاردىڭ تىنىس- تىرشىلىگىن باقىلاۋ ءۇشىن جاندارىنا بارىپ، بىرگە سۋرەتكە ءتۇسىرۋ اسا وڭاي شارۋا ەمەس.
سول سەبەپتى ولارعا قاتىستى كوپتەگەن كادرلار ۇشاق ارقىلى جاسالعان.
ەگەر سۋرەتتى ۇلكەيتىپ قاراساق، وندا تاياق ۇستاعان ەر ادامنىڭ كامەرا تۇرعان جاققا اشۋلى كەيىپپەن قاراپ تۇرعانىن بايقاۋعا بولادى.
موكسيحاتەتيما - بۇل اۋماقتاعى ءۇش ءۇندىس تايپاسىنىڭ ءبىرى.
بۇل اۋماققا ءجيى كەلەتىن التىن قازۋشىلارعا بايلانىستى اتالمىش تايپا وكىلدەرىن ءجيى الىستان باقىلاپ تۇرادى. 1993 -جىلى 16 يانامامونى التىن قازۋشىلار ءولتىرىپ كەتكەن، ولار جاۋاپ رەتىندە ەكى ادامنىڭ كوزىن جويادى.
