حيجابتاعى العاشقى تەلەجۇرگىزۋشى ەفيردە جۇرتتى وزىنە قاراتتى - كەسكىن
استانا. قازاقپارات - كانادا ەلىندە مۇسىلمان قىز-كەلىنشەكتەر قوعامدا ماڭىزدى ورىن الىپ، سىي-قۇرمەتكە يە بولۋدا دەپ جازادى ummet.kz.
دجينەللا ماسسا ەسىمدى جۋرناليست قىز كانادا تەلەارناسىنىڭ جاڭالىقتار قىزمەتىندەگى تۇڭعىش حيجابتاعى جۇرگىزۋشى اتاندى.
مۇسىلمان قىزىنىڭ CityNews ارناسىنداعى قىزمەتىنە الەۋمەتتىك جەلىدە قولداۋ بىلدىرۋشىلەر قاتارى كوبەيدى. ايتا كەتەر جايت، دجينەللا ماسسا پانامادا كاتوليك وتباسىندا دۇنيەگە كەلگەن.
ءبىر جاسقا تولعان ۋاقىتتا ونىڭ اناسى كاناداعا قونىس اۋدارادى، ەكى جىلدان سوڭ يسلامدى قابىلدايدى. وسىلايشا، دجينەللا ءۇش جاستان باستاپ مۇسىلمانشا ءتالىم-تاربيە الىپ، يسلام ءدىنىن ۇستانىپ وسەدى.
2015-جىلى دجينەللا كانادالىق تەلەارنالاردا حيجابتاعى العاشقى جۋرناليست سانالدى. ەندى ول تەلەارنانىڭ جاڭالىقتار قىزمەتىن جۇرگىزۋدى قولعا الدى.
