قىزىلوردالىقتار دزيۋدودان قازاقستان كۋبوگىنىڭ جەڭىمپازى اتاندى

قىزىلوردا. قازاقپارات - 19 -قاراشا كۇنى  قىزىلوردادا دزيۋدودان قازاقستان رەسپۋبليكاسىنىڭ كۋبوگى ءوتتى.

ەل كۋبوگىن 20 كوماندا وكىلدەرى ساراپقا سالدى. ونىڭ 12 ءسى - ەرلەر، 8 ءى ايەلدەر كوماندالارى.

باسەكە ناتيجەسىندە ايەلدەر اراسىندا ءبىرىنشى ورىندى  قىزىلوردا، ەكىنشى ورىندى الماتى، ءۇشىنشى ورىندى جامبىل جانە وڭتۇستىك قازاقستان وبلىستارىنىڭ قۇرامالارى يەلەندى.

ەرلەر اراسىندا  قىزىلوردا وبلىسىنىڭ سپورتشىلارى كۋبوك جەڭىمپازى اتاندى.

كۇمىس جۇلدەنى - شىعىس قازاقستان، قولا جۇلدەنى ماڭعىستاۋ جانە اتىراۋ وبلىستارىنىڭ سپورتشىلارى ەنشىلەدى.

جەڭىمپاز، جۇلدەگەر كوماندالار ديپلوم، كۋبوكتارمەن ماراپاتتالدى.

اۆتور: ەلۋباي اۋەزوۆ