استانادا پاراليمپيادا سپورتشىلارىنا ارنالعان كەشەن اشىلادى

استانا. قازاقپارات - ەلوردادا ۇلتتىق پاراليمپيادا كومانداسىنا ارنالعان جەكە سپورت كەشەنىنىڭ سالىنۋى جوسپارلانىپ وتىر.

بۇل تۋرالى قازاقپارات تىلشىسىنە ۇلتتىق پاراليمپيادا كوميتەتىنىڭ باسپا ءسوز حاتشىسى گۇلنار جەيلان ءمالىم ەتتى.

دەرەك كوزىنە سۇيەنسەك، مۇمكىندىگى شەكتەۋلى سپورتشىلاردىڭ جەكە زالدار مەن باسسەيندەردە كەدەرگىسىز جاتتىعۋى ءۇشىن بار جاعداي جاسالماق. كەشەننىڭ قۇرىلىسىن بىرەگەي ەتۋ ءۇشىن ا ق ش- تىڭ بەلگىلى ارحيتەكتورى يلەان رودريگەز استاناعا كەلگەن ەكەن.

بۇل ساۋلەتشىنى حالىقارالىق وليمپيادا كوميتەتىنىڭ ءوزى ۇسىنىپتى. بۇنىمەن قوسا، يلەانا رودريگەز لوندوندا وتكەن پاراليمپيادا ويىندارىندا جەتىنشى ورىن العان سپورتشى. «مەنى قازاقستاننىڭ پاراليمپيادا ويىندارىنا شاقىردى، بۇل تاماشا كوماندا. مەنىڭ مىندەتىم - جاڭا سپورت كەشەنىن قاراۋ. بۇل جوباعا ۇلەس قوسۋ - مەن ءۇشىن ۇلكەن ابىروي»، - دەيدى ول.

جوسپار بويىنشا، قازاقستانداعى وسىنداي تۇڭعىش سپورت كەشەنى 2017-جىلدىڭ ناۋرىزىندا اشىلۋى كەرەك.

اۆتور: كەنجەكەي توقتامۇرات قىزى