قيىر شىعىستا كومىردەن التىن ءوندىرۋ ءتاسىلى تابىلدى

عالىمدار كومىردىڭ ءار تونناسىنان ءبىر گراممعا دەيىن باعالى مەتال الاتىن ەكسپەريمەنتتىك قوندىرعى ويلاپ تاپتى.

قۇرىلعىنى كەلەسى جىلى وبلىستاعى جىلۋ قازاندىقتارىنىڭ بىرىنە ەنگىزۋ جوسپاردا بار. امۋر عالىمدارى 15 جىل بويى ءتۇرلى كەن ورىندارىنان الىنعان قاتتى وتىن قۇرامىنا تالداۋ جاسادى. انىقتالعانداي، ەركوۆەتسك باسسەينىنىڭ ءبىر توننا كومىرىندە شامامەن 1 گرام التىن بار. دەمەك، جىل سايىن وبلىستىڭ ءار قازاندىعى ميلليونداعان رۋبلدى جەلگە شاشۋدا.

«سۇزگىدە پايدالى جانە زيان كومپونەنتتەردىڭ شوگىپ قالاتىنىن امۋر عىلىمي ورتالىعىنىڭ عالىمدارى دالەلدەپ قويعان. ەگەر قوندىرعى ءار توننادان جارتى گرام التىن وندىرسە دە، پايدا اكەلەدى. ياعني، ءبىر توننا كومىر جاعىپ، 1500 رۋبل تابۋعا بولادى»، - دەدى «امۋر عىلىمي ورتالىعىنىڭ كەشەندى يننوۆاتسيالىق تەحنولوگيالارى» ا ا ق باس ديرەكتورى ولەگ اگەيەۆ.

قوندىرعىنىڭ جۇمىسى وڭاي. جانعان كومىردىڭ ءتۇتىنى جۇزدەگەن تازالاۋ جۇيەسىنەن وتەدى. الدىمەن قوسپالار (زيان قوسپالار دا) سۋمەن شايىلادى، سۇزگىلەردەن وتەدى. سودان كەيىن پايدا بولعان التىن كونسەنتراتىن اففيناجعا جىبەرەدى. ءادىس پاتەنتتەلگەن.