ترامپ پەنتاگون باسشىسى بولۋى مۇمكىن ازاماتتى اتادى

 دەپ حابارلايدى روس بالت.

«پەنتاگون باسشىسى لاۋازىمىنا لايىقتى تۇلعا رەتىندە قاراستىرىلىپ وتىرعان مەتتيس ماعان وتە جاعىمدى اسەر قالدىردى. ول ناعىز گەنەرال!»، دەپ جازدى ترامپ ءوزىنىڭ Twitter جەلىسىندەگى پاراقشاسىندا. CNN مالىمەتتەرى بويىنشا جاقىن كۇندەرى ترامپ مەتتيسپەن كەزدەسكەن.

كەزدەسۋ كوپشىلىك ورىندا ەمەس، نيۋ- دجەرسي شتاتىنداعى بەدمينستەر گولف- كلۋبىنىڭ ايماعىندا جابىق جاعدايدا وتكەن.

مەتتيس باراك وبامانىڭ كەزىندە يراك پەن اۋعانستانداعى وپەراتسيالارعا جاۋاپ بەرەتىن قارۋلى كۇشتەردىڭ ورتالىق قولباسشىلىعىن باسقارعان بولاتىن.

وسىعان دەيىن The Washington Post باسىلىمى قورعانىس مينيسترلىگىنىڭ باسشىلىعىنا كانديداتتاردىڭ ءبىرى رەتىندە ترامپتىڭ كومانداسى سەناتور كەللي ايوتتى دا قاراستىرىپ جاتقانىن جازدى.