بوكستان الەم چەمپيونى جانقوش تۇراروۆ ۇيلەنۋ تويىن دۇرىلدەتىپ تۇرىپ وتكىزدى - فوتو، كەسكىن
استانا. قازاقپارات - WBA رەيتينگى بويىنشا ۇزدىك 15 بوكسشىنىڭ ءبىرى سانالاتىن 25 جاستاعى قازاقستاندىق كاسىپقوي بىلعارى قولعاپ شەبەرى جانقوش تۇراروۆ الماتىنىڭ مەيرامحانالارىنىڭ بىرىندە ۇيلەنۋ تويىن دۇرىلدەتىپ تۇرىپ وتكىزدى، دەپ حابارلايدى قازاقپارات.
سپورتشىنىڭ تاڭداعان قالىڭدىعى كلارا يسا. تويدىڭ سۋرەتتەرى مەن بەينەكورىنىستەرىن الەۋمەتتىك جەلىلەردى پايدالانۋشىلار كوپشىلىكتىڭ نازارىنا ۇسىندى. تويدا سونىمەن قاتار تانىمال ءانشى قايرات نۇرتاس ءان شىرقادى.
جانقوش تۇراروۆ جامبىل وبلىسى تالاس اۋدانى اقكوز اۋىلىندا تۋعان. بوكسپەن 2004 -جىلدان بەرى شۇعىلدانادى. قازىرگى تاڭدا ايگىلى قانات يسلاممەن بىرگە ا ق ش- تا جاتتىعۋدا. جانقوش كاسىپقوي بوكستا 20 كەزدەسۋ وتكىزىپ، بارىندە دە جەڭىسكە جەتتى، 14 ىندە قارسىلاسىن نوكاۋتقا جىبەردى. ۇلتتىق بوكس قاۋىمداستىعى دارەجەسى بويىنشا ول جارتىلاي اۋىر سالماقتا الەم چەمپيونى بولىپ تابىلادى.
#свадьба #wedding #zhankoshklaraweddingday #КайратНуртас #мишканасвадьбе
