قازاقستاندىقتار الداعى مەرەكەلەردە قانشا كۇن دەمالادى؟

استانا. قازاقپارات - قازاقستاندىقتاردىڭ جەلتوقسان ايىندا جانە جاڭا جىلدا قانشا كۇن دەمالاتىنى بەلگىلى بولدى، - دەپ جازادى «ناشا گازەتا» باسىلىمى.

قازاقستاندىقتار جەلتوقسان ايىندا ق ر تۇڭعىش پرەزيدەنتىنىڭ كۇنى (1- جەلتوقسان) مەن ق ر تاۋەلسىزدىگى كۇنىن (16، 17 جەلتوقسان) اتاپ وتەدى.

ق ر تۇڭعىش پرەزيدەنتىنىڭ كۇنى بەيسەنبىگە تۇسسە، 16-17 جەلتوقسان جۇما مەن سەنبى كۇندەرىنە تۇسەدى. زاڭعا سايكەس، 17- جەلتوقسان سەنبىدەن دۇيسەنبىگە، 19- جەلتوقسانعا اۋىستىرىلادى.

ال 31- جەلتوقسان سەنبىگە ءتۇسىپ تۇر، سايكەسىنشە ول كۇن دەمالىس بولىپ سانالادى. وسىلايشا قازاقستاندىقتار جاڭا جىلدا 4 كۇن دەمالادى. 1-2- قاڭتار - مەرەكە كۇندەرى، سونداي-اق، 3- قاڭتار دا دەمالىس بولىپ ەسەپتەلەدى. سەبەبى 1- قاڭتار جەكسەنبىگە ءتۇسىپ تۇر، سوندىقتان دا ول كۇن 3- قاڭتارعا، ياعني دۇيسەنبىگە اۋىستىرىلادى.