مۇناي ەكسپورتتاۋشى ەلدەر ۇيىمىنىڭ باسشىسى ارزان مۇنايدىڭ ۋاقىتى وتكەنىن ايتتى

ونىڭ ويىنشا، وسى ۋاقىت ارالىعىندا الەمنىڭ مۇناي ءوندىرۋشى مەملەكەتتەرىنىڭ بارلىعى اتالمىش وتىن تۇرىنە دەگەن باعانىڭ اسەرى تەك جاعىمسىز بولاتىندىعىنا كوز جەتكىزىپ بولدى. «سوندىقتان ارزان باعانىڭ ۋاقىتى اياقتالۋعا تاياۋ. ءبىز سوڭعى 60 جىلدا مۇنايعا دەگەن باعانىڭ تومەندىگى جاعدايدى تەك كۇردەلەندىرىپ جىبەرگەندىگىنىڭ كۋاسى بولىپ وتىرمىز. بۇل جاعداي ءالى دە جالعاسۋدا. دەگەنمەن ول سوڭىنا تاياپ قالدى»، - دەيدى باركيندو.

 ايتا كەتەيىك، 28 - قىركۇيەك كۇنى و پ ە ك ۇيىمىنا مۇشە مەملەكەتتەر مۇناي ءوندىرۋ كولەمىن تاۋلىگىنە 32,5-33 ميلليون باررەل مولشەرىندە قالدىرۋ تۋرالى كەلىسىمگە كەلدى. سونىڭ ناتيجەسىندە Brent ماركىلى مۇنايدىڭ باعاسى 46,5 دوللاردان 48,5 دوللارعا دەيىن ءوستى، دەپ جازادى korrespondent.net.