گولوۆكين ءوز پروموۋتەرلەرىن فروچپەن ايقاس جونىندەگى اڭگىمەنى دوعارۋعا شاقىردى
بوكسشىلاردىڭ وسىدان بىرنەشە جىل بۇرىن كەزدەسۋلەرى مۇمكىن دە ەدى، ءبىراق كەلىس ءسوز تىعىرىققا تىرەلدى. ويتكەنى 2015-جىلى فروچ ءوزىنىڭ سپورتتىق جولىن اياقتادى.
گولوۆكين - فروچ جەكپە-جەگى تۋرالى جاڭا تالقىلاۋلاردىڭ وربۋىنە لەففلەردىڭ ءتۆيتى سەبەپ بولدى. وندا قازاقستاندىقتىڭ پروموۋتەرى ارىپتەسى ەددي حيرنمەن بىرگە تۇسكەن سۋرەتىن جاريالاپ، وزدەرىنىڭ لوندوندىق «ۋەمبلي» ستاديونىندا ايقاستى وتكىزۋ تۋرالى كەلىس ءسوز جۇرگىزىپ جاتقاندىعىن مالىمدەگەن ەدى.
سوڭىنان حيرننىڭ ءوزى بۇل اقپاراتتى تەرىسكە شىعاردى. بريتاندىق لەففلەردىڭ بۇل مالىمدەسىن ازىلگە بالادى. ءبىراق 2015-جىلعى شىلدەدە سپورتتىق جولىن اياقتاعان فروچتىڭ گولوۆكينمەن ايقاس ءۇشىن رينگكە قايتا ورالۋى مۇمكىن ەكەندىگىن دە جوققا شىعارمادى. ەندى وسىعان بايلانىستى گولوۆكين رەسمي تۆيتتەر ارقىلى جاۋاپ بەرىپ وتىر.
«مەنىڭ دوستارىم، سىزدەرمەن سويلەسەتىن ۋاقىت كەلدى. ەي، دجەنتلمەندەر توم لەففلەر مەن ەددي حيرن، ەگەر ەشقانداي العا جىلجۋ بولماسا، ايقاستىڭ بولۋى مۇمكىن دەگەن اڭگىمەنى دوعارىڭدار»، - دەپ جازدى گولوۆكين.
