قىتايلىق فەرمەر شوشقالارىن سپورتپەن شۇعىلدانۋعا ماجبۇرلەدى
استانا. قازاقپارات - قىتايلىق فەرمەر ءوز شوشقالارىنىڭ دەنساۋلىعىن جاقسارتۋعا ءارى دامدىرەك ەت الۋ ءۇشىن مۇنارادان سۋعا سەكىرۋدى ۇيرەتكەن.
حۋنان پروۆينتسياسىندا تۇراتىن حۋان دەمين ءوز فەرماسىنداعى شوشقالاردى سپورتپەن شۇعىلدانۋعا ماجبۇرلەپ كەلەدى. ول كۇن سايىن تالپاق تاناۋلاردى جاقىن ماڭداعى توعانعا اپارىپ، بيىكتىگى ءۇش مەترلىك مۇناراعا ايداپ شىعارادى.
جانۋارلار ودان سۋعا سەكىرىپ، ءبىرشاما ۋاقىت جۇزەدى. فەرمەر مۇنداي جاتتىعۋلار شوشقالاردىڭ يممۋندىق جۇيەسىن دامىتاتىندىعىنا سەنىمدى. ويتكەنى ولار سيرەك اۋىراتىن كورىنەدى. بۇعان قوسا تابەتتەرى دە اشىلادى. كوپ جەگەن سوڭ تەز وسەدى ءارى سەمىز بولماق. دەميننىڭ پىكىرىنشە، «سپورتشى» شوشقالاردىڭ ەتى دە ءدامدى.
