عاسىردىڭ مەديتسينالىق جۇمباعى: پاكىستاندا اعايىندىلار كەش تۇسكەندە قوزعالا الماي قالادى

پاكىستانداعى وتباسىلاردىڭ بىرىندە ءوز قۇرداستارىنان ەرەكشە ەكى بالا ءوسىپ كەلەدى. 13 جاستاعى احمەد شوايب پەن ونىڭ 9 جاسار ءىنىسى ابدۋل راشيد مەكتەپتە وقىپ، كوشەدە دوستارىمەن ويناپ جۇرەدى. ءبىراق كەش باتىسىمەن ەكەۋى دە قۇلاپ تۇسەدى: ەش قوزعالىس جاساي الماي، اۋىزدارىن دا، كوزدەرىن دە اشا الماي قالادى.

بۇل الەم بويىنشا العاش رەت كەزدەسىپ وتىرعان جاعداي. قازىر دارىگەرلەر ەكەۋىن مۇقيات زەرتتەپ جاتىر. ەكى اعايىندىنى يسلاماباد اۋرۋحاناسىندا تەگىن تەكسەرۋدە. قازىرگە دەيىن 300 دەن استام سىناق جاسالعانىنا قاراماستان، ءالى ناقتى سەبەبى ايقىندالار ەمەس.

دارىگەرلەر اڭعارعان جالعىز نارسە - جارىقپەن بايلانىستىڭ ءۇزىلۋى. سىناق بارىسىندا اعايىندىلار كۇندىز قاراڭعى بولمەگە ورنالاستىرىلعان. ءبىراق، بۇل ولاردىڭ ارەكەتتەرىنە ەش اسەر ەتپەگەن.

پاكىستاندىق ماماندار بالالار تۇراتىن اۋىلدىڭ توپىراعىن، تالدارىن، اۋاسىن دا زەرتتەگەن. بالالاردىڭ قانى شەتەلدىك دارىگەرلەرگە جىبەرىلگەن. ءبىراق، ازىرگە مىقتى دەگەن اق حالاتتىلاردىڭ وزدەرى ساراپتاما جاساي الاتىن ەمەس.

گەنەتيكالىق اۋىتقۋشىلىقتىڭ باستى نۇسقاسى رەتىندە قان ارالاسۋى ايتىلۋدا. ياعني، بالالاردىڭ اكەسى مەن اناسى جاقىن تۋىستار، نەمەرە اعالى- قارىنداستىلار. ولاردىڭ ءۇشىنشى بالالارىنان دا وسى اۋرۋدىڭ بەلگىلەرى بايقالا باستاعان.

دارىگەرلەر زەرتتەۋدى جالعاستىرىپ جاتىر. ولاردىڭ بۇل جۇمباقتى شەشە الاتىندىعى ءالى بەلگىسىز. ءبىراق، مەديتسينالىق كومەك ولارعا از دا بولسا سەپتىگىن تيگىزگەن: ءبىرقاتار دارىلەر اعايىندىلاردىڭ كەشكى ۋاقىتتا بەلسەندىلىگىن ساقتاۋعا كومەكتەسىپ، ۇيقىعا ءوز ەرىكتەرىمەن جاتۋعا بەيىمدەگەن. ال ولار وسىعان دەيىن بەلسەندىلىكتەن اۆتوماتتى تۇردە ايىرىلىپ قالاتىن ەدى.

 Stan.kz