انگەلا مەركەل ءتورتىنشى مەرزىمگە سايلاۋعا تۇسەدى
استانا. قازاقپارات - انگەلا مەركەل گەرمانيا كانسلەرى لاۋازىمىنا ءتورتىنشى مەرزىمگە سايلاۋعا تۇسەتىن بولدى.
بۇل تۋرالى مەركەلدىڭ پارتياسى - حريستياندىق- دەموكراتيالىق وداعى (ح د و) وكىلى نوربەرت رەتتگەن حابارلادى. گ ف ر- دە كانسلەر سايلاۋى 2017 -جىلعى كۇزدە وتەدى، - دەپ حابارلايدى ر ي ا نوۆوستي.
نوربەرت رەتتگەن: «مەركەل سايلاۋعا تۇسۋگە جانە الەمدىك ليبەرالدى ءتارتىپتى نىعايتۋعا ىقپال ەتۋگە دايىن»، دەپ اتاپ ءوتتى.
«كانسلەر - باستى ويىنشى رەتىندە باتىستىڭ ساياسي تۇجىرىمداماسىنىڭ تىرەگى. سوندىقتان ول جاۋاپتى كوشباسشى رەتىندە سايلاۋعا تۇسەدى»، - دەپ سەندىردى نوربەرت رەتتگەن.
ول حريستياندىق- دەموكراتيالىق وداعىنىڭ باس حاتشىسى پەتەر تاۋبەرمەن جانە پاريانىڭ باسقارۋشى ديرەكتورى كلاۋس شيۋلەرمەن جاڭا سايلاۋ ناۋقانىنا دايىندىق تۋرالى تالقىلادى. انگەلا مەركەل 2005 -جىلى ءبىرىنشى رەت گەرمانيا كانسلەرى بولدى. 2005 -2009 جانە 2013 -جىلدارى سايلاۋدا جەڭىپ شىققان.
