سابينا التىنبەكوۆا ءوز كيىم جەلىسىن شىعاردى
جەيدەلەر، سۆيتشوتتار، سپورتتىق كوستيۋمدەر سياقتى كيىمدەر جەلىسى Sabina20 دەگەن برەندپەن شىعاتىن بولادى. سپورتتىق كيىمدەردىڭ بۇل جەلىسىن سابينا التىنبەكوۆا وتاندىق Zibroo Sportswear ديزاينەرلىك كومپانياسىمەن بىرىگىپ ويلاستىرعان ەكەن. ايتا كەتەيىك، ريو ويىندارىنداعى قازاقستان قۇراماسىنىڭ كيىمدەرىن وسى كومپانيا دايىنداعان بولاتىن.
«قۇرمەتتى دوستار! ءبىز وتكەن كونكۋرستىڭ قورىتىندىلارىن شىعاردىق جانە ءوز جەڭىمپازىمىزدى تاڭدادىق! ءبىزدىڭ جۇلدە - سابينا برەندىنەن سپورتتىق كيىم استاناعا جىبەرىلەدى! جەڭىمپازدى قۇتتىقتايمىز! كونكۋرستىڭ بارلىق قاتىسۋشىلارىنا العىس ايتامىز! سابينا سپورتتىق برەندى جانە ونىڭ كومانداسى Zibroo Sportswear بىرلەسىپ S20 لوگوتيپىمەن سپورتتىق كيىمدەر جەلىسىن ازىرلەدى. ەندى سىزدەر الماتى، سەيفۋللين كوشەسى 534 دۇكەندەرىندە سپورتتىق كيىمدەردى (فۋتبولكالار، سۆيتشوتتار، سپورتتىق كوستيۋمدەر جانە ت. ب. ) ساتىپ الۋ مۇمكىندىگى پايدا بولدى. ساتىلىمنىڭ اشىلۋ كۇنى 19- قاراشا 2016 -جىل. كەلىڭىز، قىزىقتى بولادى! مەن 13:00 دۇكەندەردىڭ بىرىندە بولامىن: ) . كەزدەسەمىز، ارالاسامىز، سۋرەتكە تۇسەمىز: ) جانە كەيىن ونلاين ساتىلىمدى قوسۋ جوسپارلانۋدا. سىزدەردى كورەتىنىمە جانە جاعىمدى اسەرلەرمەن بولىسەتىنىمە قۋانىشتىمىن"، - دەپ جازدى سابينا Instagram جەلىسىندەگى پاراقشاسىندا.
«بىزگە وسىمەن بىرنەشە جىل بويى ءتۇرلى ۇسىنىستار ءتۇستى، ءبىراق ءبىز ولاردان باس تارتىپ جۇردىك. ال كيىم جەلىسىن شىعارۋ جايلى ۇسىنىس ايتىلعاندا، ءبىز ويلانىپ قالدىق. كەيىننەن كەلىسسوزدەر جۇرگىزىپ، كەلىسىمشارتقا دا قول قويدىق. ەندى ءوزىمىزدىڭ برەندىمىزدى ماقتانىشپەن كورسەتە الامىز. كيىمدەردىڭ بارلىعى قازاقستاندا جاسالعان. ساپاسى وتاندىق ديزاينەرلەردىڭ كيىمدەرىنەن كەم تۇسپەيدى. ديزاينى ءبىزگە ۇنادى. لوگوتيپتى سابينانىڭ ءوزى ويلاستىردى"، - دەدى سابينانىڭ اناسى.
ايتا كەتەيىك، الماتىدا 19- قاراشادا سابينانىڭ كيىمدەر جەلىسىنىڭ العاشقى دۇكەنى اشىلادى. كەيىنىرەك ونلاين ساتىلىمعا شىعارۋ جوسپارلانىپ وتىر ەكەن.
ەسكە سالا كەتەيىك، وسىعان دەيىن سابينا التىنبەكوۆا Instagram جەلىسىندەگى پاراقشاسىندا ۇزدىك ەسكيزگە بايقاۋ جاريالاعان بولاتىن. بايقاۋدا استانا قالاسىنىڭ تۇرعىنى جەڭىسكە جەتتى. سابينا جەڭىمپاز قىزعا سپورتتىق كيىم سىيلادى.
