ب ا ق: گولوۆكين فروچتان باسىم تۇسەدى

استانا. قازاقپارات - بريتاندىق The Mirror باسىلىمى ءوز سايتىندا گەننادي گولوۆكيننىڭ كارل فروچپەن جەكپە-جەگى بويىنشا داۋىس بەرۋدىڭ قورىتىندىسىن جاريالادى، دەپ حابارلايدى Sports.kz.

39 جاستاعى بريتاندىق بوكسشىنىڭ دەنە ءبىتىمىنىڭ ارتىقشىلىعىنا قاراماستان وقىرمانداردىڭ كوبى گولوۆكين باسىم تۇسەتىندىگىنە سەنىمدى بولعان. وعان رەسپوندەنتتەردىڭ 62 پايىزى داۋىس بەرگەن.

38 پايىزى سپورتتىق جولىن اياقتاعان فروچ ءالى دە ءوزىن رينگتە كورسەتە الادى دەگەن پىكىردە. ەسكە سالا كەتسەك، بۇدان بۇرىن لەففلەر ءوزىنىڭ تۆيتتەرىندە حيرنمەن بىرگە تۇسكەن سۋرەتىن جاريالاپ، ول تۋرالى «ەددي ەكەۋمىز فروچپەن ايقاس تۋرالى تالقىلاۋدامىز» - دەپ جازعان بولاتىن.

ءبىراق ودان كەيىن بريتاندىق پروموۋتەر مۇنىڭ ءازىل ەكەندىگىن ايتقان ەدى. دەگەنمەن سوڭعى سۇحباتتارىنىڭ بىرىندە گولوۆكيننىڭ پروموۋتەرى وزدەرىنىڭ جەكپە-جەكتى وتكىزۋ ماسەلەسى بويىنشا كەلىسسوز جۇرگىزىپ جاتقاندىعىن اتاپ وتكەن بولاتىن.