كيركوروۆ پەن قايرات نۇرتاس «الماتى ارەنا» مۇز سارايىندا كونسەرت بەرەدى

استانا. قازاقپارات - بيىل «الماتى ارەنا» مۇز سارايىندا فيليپپ كيركوروۆ پەن قايرات نۇرتاستىڭ كونسەرتتەرى وتەدى.

بۇل تۋرالى بۇگىن ۇكىمەت وتىرىسىندا الماتى قالاسىنىڭ اكىمى باۋىرجان بايبەك حابارلادى، دەپ جازادى قازاقپارات ءتىلشىسى. «ءبىز قازىر جاڭا نىسانداردى بەلسەندى تۇردە جارنامالاۋدامىز. 5 -قاراشادا «الماتى ارەنادا» جاپپاي سىرعاناۋ ماۋسىمى اشىلدى.

مۇندا الماتىنىڭ مىڭ جىلدىعى، مۋززون مۋزىكالىق سىيلىعى، قانات يسلامنىڭ بوكس جەكپە- جەگى سىندى ءبىرقاتار سالتاناتتى شارالار ءوتىپ ۇلگەردى. بارلىق شارالار كەزىندە زال ادامدارعا لىق تولى بولدى. بيلەتتەر %100 ساتىلىپ كەتەدى»، - دەدى باۋىرجان بايبەك.

ونىڭ ايتۋىنشا، جىل سوڭىنا دەيىن بۇل نىساندا تاعى 8 ءىرى شارا وتەدى. «بۇل فۋتزالدان ۋەفا كۋبوگىنىڭ راۋندى، مانەرلەپ سىرعاناۋدان ۇلتتىق چەمپيونات، فيليپپ كيركوروۆتىڭ، قايرات نۇرتاستىڭ كونتسەرتتەرى جانە ت. ب. ياعني، ءبىز جىل سوڭىنا دەيىن نىساننىڭ تەحنيكالىق پارامەترلەرىن تەكسەرەتىن بولامىز، بۇل نىساندا ۋنيۆەرسيادانىڭ اشىلۋ جانە جابىلۋ سالتاناتى وتەدى. «حالىق ارەنا» دا ءوز جۇمىسىن باستاپ كەتتى، ارعى كۇنى جاپپاي سىرعاناۋ ماۋسىمى باستالادى جانە «الماتى» حوككەي كومانداسىنىڭ ويىندارى وتەدى»، - دەپ تولىقتىردى ب. بايبەك.