ءانشى ورىنباساروۆا تۇرمىسقا شىقپاعانىما نەگە وكىنبەيتىنىن ايتتى
ءانشى تۇرمىسقا شىقپاعانىنا وكىنبەيتىنىن، الايدا ءالى دە وتباسىلى بولۋدان ءۇمىتسىز ەمەس ەكەنىن مالىمدەدى.
بۇل تۋرالى «استانا» ارناسىنىڭ «ەل اۋزىندا» باعدارلاماسىندا ايتىلدى.
«قۇدايدىڭ قولىندا عوي بارلىعى. ادام تۇرمىسقا شىعا ما، بەس رەت شىعا ما، ول تەك قۇدايدىڭ قولىندا. مۇمكىن ماقسات قويعان بولسام، باياعىدا 5 رەت كۇيەۋگە شىققان بولار ەدىم. دەگەنمەن قازىرگى تاڭدا كۇيەۋىم جوق. ءبىراق ءۇمىتىم ۇزىلگەن جوق. سوندىقتان دا مۇمكىن» - دەدى ءانشى.
عۇمىرىن جالعىز قىزىنىڭ تاربيەسىنە ارناعان ءانشى بۇل جولدا ەش قينالماعانىن ايتتى.
«قىزىمدى ءوسىرىپ، باعىپ- قاقتىم. مەنىڭ وتباسىم سول. جالعىز بولعان جوقپىن، اكە- شەشەم، اعا- اپكەلەرىم بار. ءبىر جاعىنان، قولدايتىن ادامدارىڭ بولسا قيىن ەشتەڭەسى جوق دەپ ويلايمىن. ودان كەيىن ەرىڭ، زايىبىڭ بولعان كۇننىڭ وزىندە، ول قولداۋ كورسەتسە عانا شىعارماشىلىق ادام اشىلۋى مۇمكىن. ال ەگەر ول قارسى بولسا، وندا قيىن دەپ ويلايمىن»، - دەدى ول.
ورىنباساروۆا جۋرناليستيكا سالاسىندا قىزمەت اتقاراتىن، ءوزىن تۇسىنەتىن ءبىر جاننىڭ بار ەكەنىن جاسىرمادى. الايدا:
«كەرەمەت ءبىر جۋرناليست، جاقىن جوسىم بار. ءبىراق وعان كۇيەۋگە شىعام با، شىقپايمىن با دەگەن سۇراق تۇرعان جوق. ونى ۋاقىت كورسەتەدى»، - دەپ كەسىپ ايتتى ءانشى.
