قازاق ونەرپازدارى يتاليا ساحناسىندا حالىق اۋەندەرىن ورىندايدى
دەپ حابارلايدى ق ر مادەنيەت جانە سپورت مينيسترلىگىنىڭ باسپا ءسوز قىزمەتى.
قازاقستان ونەر شەبەرلەرىنىڭ كونسەرتتەرى يتاليانىڭ اتاقتى كونسەرت زالدارى - ميلانداعى Piccolo Teatro Studio جانە ريمدەگى Academia di Santa Cecilia زالدارىندا وتەدى.
«قازاق كونسەرت» باسشىسى سالتانات سەيدىمبەكتىڭ ايتۋىنشا، قازاقستاندىق ارتىستەردىڭ يتاليا ساحناسىندا ونەر كورسەتۋى بۇكىل الەمگە قازاقستان تاۋەلسىزدىگىنىڭ 25 جىلدىق تاريحىندا قول جەتكىزگەن تابىستارى مەن جەتىستىكتەرىن پاش ەتۋگە مۇمكىندىك بەرەدى.
«تاۋەلسىزدىگىمىزدىڭ 25 جىلى ىشىندە ەلباسىمىزدىڭ باستاماسىمەن مەملەكەتىمىز زور تابىستارعا قول جەتكىزىپ، تالاي بيىكتىكتەرگى جەتتى. قازاقستاندىق ارتىستەر شەتەلدەگى كونسەرتتەرىمەن ەلىمىزدىڭ، باي، كوپ ءتۇرلى مادەنيەتىمىزدىڭ، ۇلتتىق ونەرىمىزدىڭ بىرەگەيلىگىنىڭ تانىمالدىعىن ارتتىرىپ كەلەدى. بۇل ونەر كورسەتۋ دە ەكى دوس مەملەكەتىمىزدىڭ اراسىنداعى مادەني ىنتىماقتاستىقتىڭ نىعايۋىنا زور ۇلەس قوسادى دەگەن سەنىمدەمىن»، - دەپ پىكىرىمەن ءبولىستى سالتانات سەيدىمبەك.
باعدارلاما قازاقتىڭ ءداستۇرلى مۋزىكا مادەنيەتىنىڭ سان- الۋاندىعى مەن وراسان زور بايلىعىن بارىنشا پاش ەتۋ ماقساتىمەن قۇرىلدى.
كونسەرتكە «ۇلى دالا سازى» اتتى پرولوگى وزىندىك تۇركى الەمىنىڭ اتموسفەراسىن قالىپتاستىرادى. «قازاق كونسەرت» فولكلورلىق- ەتنوگرافيالىق ءانسامبلى جانە «ارلان» ۇلتتىق كيىمدەر تەاترىنىڭ اكتەر- باتىرلارى بىرگە ورىندايتىن قازاق حالىق اۋەندەرىن تىڭداۋ ارقىلى كورەرمەندەر سوناۋ الىس تاريحقا كوز جۇگىرتىپ، وزدەرىن سول كونە داۋىرلەردىڭ كۋاگەرلەرى رەتىندە سەزىنە الادى.
كونسەرتتىك باعدارلاماعا ءداستۇرلى ءان ونەرىنىڭ جارقىن وكىلى ەرلان رىسقالي، «شولپان» بي توبى، ءانشى اسەل قارسىبايەۆانىڭ جانە تاعى باسقا ونەر مايتالماندارى قاتىسادى.
سونىمەن قاتار يتالياندىق كورەرمەن قازاق ۇلتتىق اسپاپتارىنىڭ اۋەندەرىن تىڭداپ، ولارمەن تانىسۋعا كەرەمەت مۇمكىندىگىنە يە بولادى. ايان وماروۆ كونە ەكى ىشەكتى، ىسپالى مۋزىكالىق اسپاپ قىل- قوبىزدا قورقىت بابانىڭ «قوڭىر» كۇيىن ورىنداسا، انار مۇزداحانوۆا، بەكايدار قاليەۆ جانە «سەرپەر» ءانسامبلى كەش قوناقتارىن تانىمال قازاق مۋزىكالىق تۋىندىلاردى دومبىرادا ورىنداۋمەن قۋانتادى. كونسەرتتە وزگە كونە قازاق ۇلتتىق اسپاپتارعا دا ورىن بولادى: كونە كوپ ىشەكتى شەرتپەلى اسپابى جەتىگەندە «اڭشىنىڭ جىرى» كيۋي- اڭىزىن ورىنداسا، ميرا تاستەنوۆا تىڭدارمانداردى ساز سىرنايدىڭ ۇنىمەن تانىستىرادى.
ال اكادەميالىق باعىتتاعى كەرەمەت انشىلەر ايگەرىم التىنبەك پەن قازاقستان رەسپۋبليكاسىنىڭ ەڭبەك سىڭىرگەن قايراتكەرى ازامات جىلتىركوزوۆ (باريتون) ءوز ونەرىن كورەرمەندەرگە سىيلاي وتىرىپ، قازاقستاندىق كومپوزيتورلاردىڭ تۋىندىلارىمەن قاتار يتالياندىق ۆوكالدىق مۋزىكا جاۋھارلارىن ورىندايدى.
كەش كورەرمەندەرى مەن قوناقتارى قازاقتىڭ ۇلتتىق تاعامدارى مەن تاتتىلەرىنەن اۋىز ءتيىپ، ءتىل ۇيىرەر باۋىرساقتان ءدام تاتا الادى.
