گولوۆكيننىڭ قارسىلاستارى ىشىندە ەڭ ۇزاققا شىداعان ميۋررەي جەڭىلىپ كورمەگەن افريكالىقتى ءسۇرىندىردى
دەپ حابارلايدى «چەمپيونات.com.».
مونتە- كارلودا بولعان جەكپە- جەك تورەشىلەردىڭ شەشىمىمەن بريتاندىقتىڭ جەڭىسىمەن اياقتالدى. ميۋررەي ايقاس بارىسىندا بىرنەشە رەت ەسكەرتۋ الىپ، سونداي- اق 12 راۋندتا كىندىكتەن تومەن سوققى جاساعانى ءۇشىن ۇپايىن جوعالتقانىمەن تورەشىلەر 116-111، 117-110، 117-110 ەسەبىمەن ونىڭ جەڭگەندىگى جونىندە شەشىم شىعاردى.
بۇل 34 جاستاعى ميۋررەيدىڭ كاسىبي رينگتەگى 34- جەڭىسى. ول ءتورت رەت جەڭىلىپ، ءبىر رەت تەڭ تۇسكەن.
ال 34 جاستاعى لاۆال ءوز سپورتتىق جولىندا العاش رەت جەڭىلىستىڭ اشى ءدامىن تاتتى. بۇعان دەيىن ونىڭ ەسەبىندە 23 جەڭىس بولعان ەدى.
ەسكە سالا كەتسەك، ميۋررەي 2015 - جىلى اقپاندا قازاقستاندىق گەننادي گولوۆكينمەن جەكپە- جەك وتكىزگەن. ايقاستا 11 راۋندتا GGG تەحنيكالىق نوكاۋتپەن جەڭدى. ونىڭ قورىتىندىسى بويىنشا گولوۆكيننىڭ قارسىلاستارى ىشىندە بريتاندىق رينگتە ەڭ ۇزاققا شىداعان بوكسشى اتاندى.
