بريتاندىق بوكسشى گولوۆكيننەن جەڭىلگەن سوڭ جارتىلاي ورتا سالماققا قايتا ورالۋعا بەل بۋدى

استانا. قازاقپارات - بريتاندىق بوكسشى كەلل برۋك (36-1, 25 ك و) 2014 -جىلدان باستاپ IBF نۇسقاسى بويىنشا جارتىلاي ورتا سالماقتا چەمپيون تيتۋلىنا يە.

كەيىنگى كەزدەرى بريتاندىقتىڭ ءبىرىنشى ورتا سالماققا كوشۋى مۇمكىن دەگەن بولجام ءجيى ايتىلىپ ءجۇر. ءبىراق برۋكتىڭ ءوزى IBF نۇسقاسى بويىنشا ءوز تيتۋلىن قولدان بەرگىسى جوق. «مەن كەشە ەدديمەن (حيرن، برۋكتىڭ پروموۋتەرى) كەزدەسىپ، وعان ءوز تيتۋلىمدى بەرۋگە دايىن ەمەس ەكەندىگىمدى ايتتىم. ءبىرىنشى ورتا سالماقتا مەنىڭ مۇمكىندىكتەرىم بار جانە وسى سالماق ماعان لايىقتى دا سياقتى. ءبىراق تا مەن ءوز كۇشىممەن تەر توگىپ العان تيتۋلىمدى وڭايلىقپەن قولدان بەرمەيمىن»، - دەگەن برۋكتىڭ ءسوزىن كەلتىرەدى BoxingScene. ەستەرىڭىزگە سالايىق، قىركۇيەكتە برۋك ورتا سالماقتاعى گەننادي گولوۆكيننەن تەحنيكالىق نوكاۋتپەن جەڭىلگەن بولاتىن.