الەۋمەتتىك جەلىدە قۇران سۇرەلەرىمەن قوسا ۋلانعان ديسكى جايلى اۋديوجازبا تاراپ كەتتى

ولاردىڭ ءبىرى WhatsApp ارقىلى تاراعان اۋديوجازبا. وندا بويجەتكەن قۇرامىندا حيميالىق ۋ بار ديسكى سالىنعان پاكەت جايلى ەسكەرتەدى. ديسكىگە قۇران سۇرەلەرىمەن پاراق قوسا بەرىلەدى. «بىرەۋ پوشتا جاشىكتەرىنە ديسكى مەن پاراق قاعاز سالىنعان اشىق پاكەتتى تاستاپ كەتىپ ءجۇر. وندا تۇرىكشە قۇران سۇرەلەرى جازىلعان. بۇل پاكەتتى اشپاڭىزدار، ونىڭ ىشىندە حيميالىق ۋلى زاتتار بار. پاكەتتى اشقان تانىسىمنىڭ كۇيەۋىنىڭ دوسى اۋرۋحانادا جاتىر. ەگەر بايقاپ قالساڭىزدار، پوليتسياعا حابارلاڭىزدار»، - دەلىنگەن اۋديوجازبادا.

اتاپ وتكەن ءجون، استانا مەن الماتى ءى ءى د باسپا ءسوز قىزمەتتەرىندە بۇل اقپارات راستالمادى. «مۇنداي جاعدايلار تۋرالى پوليتسياعا كەلىپ تۇسكەن جوق»، - دەپ اتاپ ءوتتى الماتى ءى ءى د- دە. «ب ا ق- تى نەمەسە اقپاراتتىق كوممۋنيكاتسيالىق جەلىلەردى پايدالانىپ، جالعان اقپارات تاراتاتىندارعا قىلمىستىق جاۋاپكەرشىلىك كوزدەلگەن. وسىعان بايلانىستى ءار ازامات اقپاراتتىڭ بۇرىس-دۇرىستىعىن وي ەلەگىمەن سارالاپ، سالماقتاپ قابىلداعانى ءجون»، - دەپ ەسكەرتەدى ۆەدومستۆودان.

جالعان اقپاراتتى تاراتقاندار 2-5 جىلعا دەيىن قىلمىستىق جاۋاپكەرشىلىككە تارتىلادى. ەسكە سالساق، اقتوبەدە لاڭكەستىكتى ناسيحاتتايتىن اۋديوجازبا ورنالاستىرعان جاس جىگىتكە قاتىستى تەرگەۋ ءجۇرىپ جاتىر. ول ونى ورنالاستىرعانىن، ءبىراق ەشكىمگە تاراتپاعانىن اتاپ وتەدى. ەگەر تاراتقانى دالەلدەنسە، 5-7 جىلعا سوتتالۋى مۇمكىن.