ۇلتتىق بانكتىڭ بۇرىنعى ءتوراعاسى ەسكى اقشالاردى ۆاگونداپ تاسىپ، ورتەگەنىن ايتتى
الماتى. قازاقپارات - ق ر ۇلتتىق بانكىنىڭ ەكس- ءتوراعاسى (1998-1999 -جىلدارى بولعان - رەد. ) قادىرجان داميتوۆ بۇرىنعى ءتوراعالاردىڭ كەزدەسۋىندە ەسكى بانكنوتتاردىڭ كوزىن قالاي جويعانىن ايتىپ بەردى، دەپ حابارلايدى قازاقپارات ءتىلشىسى.
«كەڭەس ۇكىمەتى كەزىندە جامبىل (تاراز) مەن پەتروپاۆل قالالارىندا ەسكى اقشالاردى ساقتايتىن ەكى ايماقتىق قويما بولدى. سودان كەيىن تۇسىنىكسىز كەزەڭ باستالىپ، وداق قۇلادى. كەڭەس رۋبلىن قولدانۋ زاڭسىز بولدى. 1998 - جىلى اتالعان ەكى قويما ەسكى اقشاعا تولدى. اقشا ءشىري باستادى، ەسكى اقشانىڭ ءيىسى جامان بولادى»، - دەپ ەسىنە الدى قادىرجان داميتوۆ.
ق. داميتوۆ تاعى ءبىر ماسەلەنى ەسكە ءتۇسىردى. «ول كەزدە رەسەيدىڭ سەنترو بانكىمەن بايلانىس بولدى. ەندىگى جەردە ەسكى اقشانى سولارعا تاپسىرۋ كەرەك پە، الدە ولارعا ساناتۋ قاجەت پە دەگەن ماسەلە بولدى»، - دەدى ق. داميتوۆ. رەسەيدىڭ ورتالىق بانكىنە جازىلعان حاتقا ولاردىڭ تاراپىنان ناقتى جاۋاپ كەلمەگەن سوڭ ق. داميتوۆ ەسكى اقشالاردىڭ كوزىن جويۋعا بۇيرىق بەرگەن. «بۇل توننالاعان قاعاز ەدى، يىستەنىپ، شىرىگەن. جارتىسىن ءبىز شىمكەنت كاسىپورنىندا ورتەدىك. جارتىسىن ۆاگوندارمەن قاراعاندىعا «كارمەت كومبيناتقا» اپارىپ، مەتاللۋرگيالىق پەشتەردە ورتەدىك»، - دەدى ول.
اۆتور: الماس مۇقاش ۇلى
