قىتايداعى قازاق وقۋشىنىڭ ماقالاسى جۇرت جۇرەگىن ەلجىرەتتى

بەلگىلى بولعانداي، ءۇي تاپسىرماسىنا كۇز تۋرالى ءبىر شۋماق ولەڭ بەرىلىپ، سوعان بايلانىستى «جاپىراق» تۋرالى ماقالا جازىپ كەلۋ مىندەتتەلگەن. ول ماقالانى جۇرت ويلاعاننان وزگەشە جازىپ، اناسىنا دەگەن ىستىق ماحابباتىن بەينەلەگەن. ونىڭ اناسىنا دەگەن قۇرمەتى الەۋمەتتىك جەلىدە قىزۋ تالقىلانىپ، وقىرماندار وقۋشى بالاعا العىستارىن جاۋدىرۋدا. بالانىڭ اتى- ءجونى كورسەتىلمەگەن. ءۇي جۇمىسىنىڭ جالپى مازمۇنى تومەندەگىدەي:

جىلدام عۇمىر ۋاقىت ءوتتى زىمىراپ،

ءاپ- ساتتە التىن تۇسكە ەندى كۇزگى باق.

جاپىراقتار جىر پاراعىم سەكىلدى،

جەر بەتىنە قۇلاپ جاتىر سۋدىراپ.

جوعارىداعى ولەڭگە نەگىزدەلىپ «جاپىراق» تۋرالى ماقالا جازىڭىز. ءسوز- سويلەمى دۇرىس، ويى جيناقى بولسىن.

جاپىراق ءومىر

مەن جاپىراقتى جەك كورەمىن. انام كوشە تازالىقشىسى، ول وسى ايدا قاتتى جۇدەپ كەتتى. كوشەنى بۇگىن سىپىرىپ قويسا، ەرتەسى تاعى جاپىراق جاۋىپ قالادى. ابدەن تيتىقتادى.. . جاپىراقتى جەك كورەمىن! جاپىراق انامنىڭ ماڭدايىنان اققان تەرى سەكىلدى. ءار رەت اعاشتان تۇسكەن جاپىراقتى كورسەم انامنىڭ ماڭدايىنان اققان تەر كوز الدىما كەلەدى. جاپىراق اقىندارعا ۇنايتىن شىعار ءبىراق ماعان ول جاۋىپ جاتقان سور سياقتى. شىركىن، جاپىراق تۇسپەيتىن بولساشى!..

ريزابەك نۇسىپبەك ۇلى