وليمپيادا جۇلدەگەرلەرى مەكتەپ وقۋشىلارىنا ساباق بەردى

استانا. قازاقپارات - قوستاناي وبلىسىندا «دەنە شىنىقتىرۋ» الەۋمەتتىك جوباسى جالعاسىن تابۋدا.

قوستاناي قالاسىنداعى 1№ مەكتەپ وقۋشىلارىنا يۆان دىچكومەن وتكەن ساباقتىڭ ۇناپ قالعانى سونشالىقتى، ۇيىمداستىرۋشىلار وسىنداي كەزدەسۋلەردى وزگە مەكتەپتەردە دە ۇيىمداستىرۋ قاجەت دەپ شەشكەن.

ەندى ولار وقۋشىلارمەن كەزدەسۋگە وليمپيادا جۇلدەگەرى ۆاسيلي ليەۆيتتى شاقىرماقشى. «استانا» پرەزيدەنتتىك كلۋبىنىڭ باسپا ءسوز قىزمەتىنىڭ حابارلاۋىنشا، وليمپيادا جۇلدەگەرى 8-9- قاراشا كۇندەرى قوستانايداعى 2№ ورتا مەكتەپ پەن فەدوروۆكا اۋىلىنداعى 1№ دميتروۆ اتىنداعى مەكتەپتە ەكى كەزدەسۋ وتكىزگەن.

فەدوروۆ مەكتەبىنىڭ ديرەكتورى تانىمال بوكسشىنىڭ اناسى. ادەتتەگىدەي بەلگىلى سپورتشىنى قولداۋعا «استانا» پرەزيدەنتتىك كلۋبىنىڭ سپورت مەنەدجەرى يۋري مەلنيچەنكو دا كەلدى. جوسپاردان تىس ساباقتار وقۋشىلار ءۇشىن كۇتپەگەن قۋانىش بولدى. ولار سپورتشىلاردى ەرەكشە ىلتيپاتپەن قارسى الىپ، قانشالىقتى مەرەكەلىك كوڭىل-كۇيدە بولعاندارىنا قاراماستان، وليمپيادا جۇلدەگەرلەرىنىڭ ايتقاندارىن مۇلتىكسىز ورىنداۋعا تىرىستى. ەكى مەكتەپتە دە ساباقتار 7-سىنىپ وقۋشىلارى اراسىندا ءوتتى.

«ءبىز وليمپيادا جۇلدەگەرلەرىمەن بىرگە جاتتىعۋ جاساۋ مۇمكىندىگىنە يە بولعانىمىزعا قۋانىشتىمىز. مۇنداي جاعداي بىزدە ءبىرىنشى رەت بولىپ تۇر. ءبىز ۆاسيلي ليەۆيت پەن يۋري مەلنوچەنكونى كورگەنىمىزگە ءدان ريزامىز. ولار بىزگە كوپتەگەن جاتتىعۋلاردى كورسەتتى. ولاردىڭ بارلىعى دا بىزگە بولاشاقتا مىقتى بولىپ وسۋگە كومەگىن تيگىزەتىنىنە سەنىمدىمىز»، - دەدى وقۋشىلاردىڭ ءبىرى.