21:49, 09 - قاراشا 2016 | GMT +5
اقمولا وبلىسىندا ءشامشى اندەرىنىڭ فەستيۆالى ءوتتى
كوكشەتاۋ. قازاقپارات - اقمولا وبلىسىندا ايگىلى كومپوزيتور ءشامشى قالداياقوۆ اندەرىنىڭ فەستيۆالى ءوتتى، دەپ حابارلايدى قازاقپارات ءتىلشىسى.
تاۋەلسىزدىكتىڭ 25 جىلدىعى اياسىندا ارشالى اۋداندىق مادەنيەت ۇيىندە ۇيىمداستىرىلعان شاراعا سەلينوگراد، ەرەيمەنتاۋ، اقكول، ەگىندىكول جانە شورتاندى اۋداندارىنان جينالعان جاس انشىلەر قاتىسىپ، وتان، ماحاببات، جارقىن بولاشاق تاقىرىبىنداعى اندەردى ناقىشىنا كەلتىرە ورىندادى. ءاربىر ءان تىڭدارمانداردىڭ كوڭىلىنەن شىعىپ، ءاربىر ورىنداۋشى ءاننىڭ قۇدىرەتىن انسۇيەر قاۋىمعا جەتكىزە ءبىلدى.
اسىرەسە، اقان جانابەرگەنوۆ پەن گۇلجان ءجۇنىسوۆا جانە "اق اجەلەر" توبىنىڭ "قازاق ۆالسىنىڭ كورولى" ءشامشىنىڭ اندەرىن جوعارى دەڭگەيدە ورىنداعانىن اتاپ وتكەن ءلازىم.
شارا سوڭىندا اۋداندىق ءماسليحات حاتشىسى قايرات شەدەربەكوۆ فەستيۆال قاتىسۋشىلارىن ديپلوم جانە باعالى سىيلىقتارمەن ماراپاتتادى.
اۆتور: اسلان وسپانوۆ
