فۋتبولشى تورەشىنى ۇرىپ ءولتىردى
استانا. قازاقپارات - قايعىلى جاعداي اۋەسقوي كوماندالار اراسىندا بولعان ماتچ كەزىندە ورىن الدى، دەپ حابارلادى isport.ua.
مەكسيكانىڭ يدالگو شتاتىندا جان تۇرشىكتىرەرلىك جاعداي بولدى. تۋلانسينو قالاسىندا ءوتىپ جاتقان فۋتبول ماتچى كەزىندە تورەشى ۆيكتور ترەحو ويىنشىلاردىڭ ءبىرى رۋبەن ريۆەرۋ ۆاسكەسكە قىزىل قاعاز كورسەتتى.
ال، ويىنشى بولسا تورەشىنىڭ بۇل شەشىمىنە كەلىسپەدى. ءسويتىپ، ءوزىنىڭ ويىنشا ادىلەتسىز شەشىم شىعارعان تورەشىنى جازالاماق بولعان ۆاسكەس، 59 جاسار ازاماتتى باسپەن ۇرىپ قۇلاتادى.
تورەشى ترەحو سوققىدان ەس-ءتۇسسىز قۇلايدى. وقيعا ورنىنا جەتكەن مەديتسينا قىزمەتكەرلەرى جاسى كەلىپ قالعان تورەشىنىڭ ءومىرىن ساقتاپ قالا المادى. ال ونى سوققان ويىنشى وقيعا ورنىنان بوي تاسالاپ ۇلگەردى. قازىرگى تاڭدا ونى ىزدەستىرۋ جۇمىستارى ءجۇرىپ جاتىر.
