قازاقستاننىڭ جاسوسپىرىم بوكسشىلارى ا ي ب ا- نىڭ بيىلعى سوڭعى جارىسىنا تولىق قۇرامدا قاتىسادى
بۇل جارىستار حالىقارالىق اۋەسقوي بوكس قاۋىمداستىعىنىڭ (ا ي ب ا) بيىل وتكىزەتىن سوڭعى سايىسى، دەپ حابارلايدى ازيا بوكس كونفەدەراتسياسى.
«بيىل مامىر ايىندا پاۆلوداردا ءدال وسى جاس ساناتى بويىنشا بوكستان ازيا چەمپيوناتى ءوتتى. مەنىڭ ويىمشا، ازيا اتلەتتەرى الداعى الەم چەمپيوناتىندا وزدەرىن جاقسى قىرىنان تانىتادى. بالكىم، 2020-جىلى توكيو وليمپياداسىنا قاتىساتىن جاڭا بوكس جۇلدىزدارىنىڭ ەسىمىن بىلەتىن بولارمىز»، - دەدى ازيا بوكس كونفەرەاتسياسىنىڭ اتقارۋشى ديرەكتورى باقداۋلەت تورەحانوۆ.
الەمدىك جارىسقا 1998-1999-جىلدارى تۋعان جاس ورەندەر قاتىسا الادى. ازيا قۇرلىعىنىڭ 20 ەلىنەن 120 بوكسشىنىڭ قاتىساتىنىن دا اتاپ وتكەن ءجون. ءۇندىستان، يران، قازاقستان جانە وزبەكستان كوماندالارىنىڭ تولىق قۇراممەن قاتىساتىنى ءمالىم بولدى.
سانكت-پەتەربۋرگتەگى الەم بىرىنشىلىگى 2016-جىلعى جاستار اراسىنداعى بوكستان الەم چەمپيوناتى بەسىنشى رەت وتەدى، بۇعان دەيىن جارىستار مەكسيكادا (2008 ج.)، ازەربايجاندا (2010 ج.)، ارمەنيادا (2012 ج.) جانە بولگاريادا (2014 ج.) ءوتتى.
