امەريكالىقتار ا ق ش پرەزيدەنتى سايلاۋىنا مەرزىمىنەن بۇرىن داۋىس بەرۋدە
كليۆلەند. قازاقپارات - ا ق ش- تا پرەزيدەنت سايلاۋىندا مەرزىمىنەن بۇرىن داۋىس بەرۋ ءوتىپ جاتىر. بۇل 8 - قاراشادا قانداي دا ءبىر سەبەپتەرمەن سايلاۋ ۋچاسكەسىنە كەلە المايتىن امەريكالىقتار ءۇشىن ۇيىمداستىرىلدى. ا ق ش- تاعى «قازاقپارات» ح ا ا مەنشىكتى ءتىلشىسى كليۆلەند (وگايو شتاتى) كاياحوگا وكرۋگى سايلاۋ ۋچاسكەلەرىنىڭ بىرىنە باردى.
مەرزىمىنەن بۇرىن داۋىس بەرۋگە بەلگىلەنگەن كۇندەردىڭ ىشىندە سەنبىدە حالىقتىڭ بەلسەندىلىگى ارتۋدا. نەگىزگى داۋىس بەرۋ كۇنى - سەيسەنبى جۇمىس كۇنىنە تۋرا كەلىپ تۇر.
XIX عاسىردىڭ ورتاسىندا ا ق ش اگرارلىق ەل بولعان، ول كەزدە سارسەنبى بازاردا ساۋدا جاساۋ كۇنى، ال سەنبى جۇمىس كۇنى سانالعان. جەكسەنبى قازىرگى ۋاقىتقا دەيىن شىركەۋگە قاتىنايتىن كۇن. سوندىقتان دا سايلاۋ وتەتىن كۇن سەيسەنبىگە بەلگىلەندى. دەمالىس كۇندەرى سايلاۋشىلاردىڭ بەلسەندىلىگى ارتۋدا. سوندىقتان دا ەكى نەگىزگى ۇمىتكەر «قۇبىلعىش شتاتتاردا» سايلاۋالدى ۇگىت- ناسيحاتتى بەيسەنبى مەن جۇماعا بەلگىلەدى. وگايو شتاتىندا سايلاۋ بيۋللەتەندەرى اعىلشىن جانە يسپان تىلىندە جازىلعان. نەگىزگى ماسەلەدەن باسقا، بيۋللەتەنگە جەرگىلىكتى سۋديالىققا ۇمىتكەرلەردى تاڭداۋ ەنگىزىلگەن.
ۇيىمداستىرۋ جاعى كوڭىل تولتىرارلىقتاي: ۋچاسكەلەر الدىندا سايلاۋالدى ۇگىت- ناسيحات شەكتەلگەن. امەريكالىقتار داۋىس بەرۋ ءۇشىن تارتىپپەن ۇزىن- سونار كەزەككە تۇرۋدا. ۋچاسكەنىڭ ىشىندە مۇمكىندىگى شەكتەۋلى جاندارعا ارنايى سەكتسيالار كوزدەلگەن. سايلاۋدى تەڭ دارەجەدە دەموكراتيالىق جانە رەسپۋبليكالىق پارتيالاردان باقىلاۋشىلار باقىلاۋدا. داۋىس بەرۋ ناتيجەسىن ايماقتىق سوتتىڭ ارنايى سايتىندا ونلاين قاراۋعا بولادى.
