كلينتون قورى كاتاردان ميلليون دوللار «سىيعا العانىن» مويىندادى
بۇعان دەيىن Wikileaks پورتالى بيلل كلينتون قورىنىڭ (Clinton Foundation) قىزمەتكەرى مەن پرەزيدەنتتىككە ۇمىتكەر حيلاري كلينتوننىڭ سايلاۋالدى شتابىن باسقاراتىن دجون پودەستانىڭ ءبىر- بىرىنە جازعان حابارلامالارىن جاريالاعان ەدى.
وندا ب. كلينتوننىڭ 65 جاسقا تولۋىنا وراي، وعان كاتار ۇكىمەتىنىڭ 1 ميلليون دوللار سىيلاۋعا جانە جەكە كەزدەسۋگە نيەتتى ەكەنى ايتىلعان. اگەنتتىكتىڭ حابارلاۋىنشا، وسى اپتادا قور وكىلى برايان كۋكسترا كاتاردان 1 ميلليون دوللار «سىيعا العانىن» راستادى جانە ونىڭ ايتۋىنشا، بۇل سوما قوردىڭ قايىرىمدىلىق قىزمەتىندە كاتار ۇلەسىن «ماتەريالدىق ارتتىرۋ» ءۇشىن الىنباعان. ب. كلينتون قورىنىڭ وزگە مەملەكەت قاراجاتىن قابىلداعانى ءۇشىن ا ق ش پرەزيدەنتتىگىنە ۇمىتكەر حيللاري كلينتون سىنعا ۇشىرادى. ولار قايىرىمدىلىققا قارجى اۋدارعاندار قور ح. كلينتون ا ق ش مەملەكەتتىك دەپارتامەنتىن باسقارىپ تۇرعان كەزدە كومەك الۋى جانە جەڭىلدىكتەرگە يە بولۋى مۇمكىن دەگەن كۇدىك كەلتىرۋدە.
