وڭتۇستىك كورەيانىڭ جاساعان كىر جۋعىش ماشينالارى جارىلا باستادى

 كليەنتتەر ماشينانىڭ بارابانىنداعى اقاۋعا شاعىم تۇسىرگەن. ساتىپ الۋشىلاردىڭ ءبىرى قولدانىس ۇستىندە بولعان كىر جۋعىش ماشينانىڭ قاقپاعى كەنەتتەن جۇلىنىپ كەتىپ، ونىڭ جاعىن سىندىرعانىن ايتقان. بۇل تۋرالى  rt.com  حابارلادى.

اتالمىش تەحنيكا يەلەرەنىڭ ايتۋىنشا، ماشينالار «قولدانىس ۇستىندە اتىلىپ كەتكەن» . Samsung -كە ءتۇرلى اقاۋلار جونىندە بارلىعى 700 دەن استام شاعىم كەلىپ تۇسكەن.

تەكسەرىس وتكىزىلگەننەن كەيىن 2011 -جىلدىڭ ناۋرىزى مەن 2016 -جىلدىڭ قاراشاسى ارالىعىندا شىعارىلعان كىر جۋعىش ماشينالاردىڭ 34 ۇلگىسى قايتارىپ الىناتىن بولادى.

Samsung قاتەردىڭ الدىن الۋ ءۇشىن كىر جۋۋ بارىسىندا بارابان اينالىسىنىڭ ەڭ تومەنگى جىلدامدىعىن پايدالانۋعا كەڭەس بەرىپ وتىر.

 ەسكە سالايىق، بۇعان دەيىن Samsung كومپانياسى جاڭا Galaxy Note 7 سمارتفوندارى بىرىنەن سوڭ ءبىرى جارىلا باستاعاندىقتان 2 - قىركۇيەك كۇنى ولاردىڭ ساتىلىمىن توقتاتىپ، اقاۋلاردى جويعاننان كەيىن 1- قازان كۇنى قايتا نارىققا شىعارعان بولاتىن. دەگەنمەن، بار- جوعى 10 كۇننەن كەيىن كورپوراتسيا باسشىلىعى «قاۋىپسىزدىك تۇرعىسىنان» اتالمىش سمارتفونداردىڭ ءوندىرىسى تولىعىمەن توقتاتىلعانىن جاريا ەتتى. كومپانيا Galaxy Note 7 سمارتفونىنىڭ ساتىلىمىن توقتاتۋدان 3 تريلليون ۆون نەمەسە 3 ميلليارد ا ق ش دوللارى كولەمىندە شىعىنعا ۇشىرادى.