پاۆلوداردا العاشقى ەلەكترود زاۋىتى ىسكە قوسىلدى
وبلىستاعى بىرەگەي زاۋىتتىڭ جۇمىسىمەن بولات باقاۋوۆ تانىسىپ قايتتى، دەپ حابارلايدى pavlodarnews.kz. ءوڭىر باسشىسىنا ەلەكترود ءوندىرۋ ءۇردىسى مەن ماسكەۋلىك «روتەكس» كومپانياسى ورناتقان جاڭا قۇرىلعىلار كورسەتىلدى.
جوبانىڭ جالپى قۇنى 40 ميلليون تەڭگەنى قۇرايتىن كاسىپورىندا 30 جاڭا جۇمىس ورنى اشىلدى. - ەڭ باستىسى، وندىرىستە ساپالى ءونىم شىعارىلۋى كەرەك. ال، تاۋاردى وتكىزۋگە كومەكتەسۋگە دايىنبىز، - دەدى بولات باقاۋوۆ.
«پاۆلودار ەلەكترود زاۋىتى» ج ش س- ءنىڭ باسشىسى ايدار ماشراپوۆتىڭ ايتۋىنشا، بۇگىندە ءونىم قازاقستان مەن رەسەيدە ساراپتامادان وتكەن. زاۋىتتىڭ ءونىمىن قازاقستانداعى ەنەرگەتيكا، تاۋ- كەن، مۇناي- گاز كەشەندەرىنىڭ كاسىپورىندارى، ماشينا جاساۋ، مەتاللۋرگيا، قۇرىلىس سالاسىمەن بايلانىستى وندىرىستەر پايدالانا الادى. ايتا كەتۋ كەرەك، زاۋىتتا ەلەكترودتى شىعارۋدان باسقا، سۇيىق شىنى ءوندىرۋ قولعا الىنعان.
