عالامتوردا تانىمال بولعان ورالدىق بالاعا ۆەلوسيپەد سىيلادى - كەسكىن
eYouTub-تەگى ونىڭ قاتىسۋىمەن تۇسىرىلگەن شاعىن سيۋجەت ءبىر تاۋلىكتە 74 مىڭنان استام كورىلىم جيناعان، دەپ حابارلادى «قازاقپارات» ح ا ا ءتىلشىسى. قىسقا بويلى، ارىقتاۋ كەلگەن ايباتىر مىرزابەكوۆ اياق استىنان كەلگەن تانىمالدىقتان قىسىلاتىنداي كەيىپ تانىتادى. ول قۇرامىندا بولعان «جايىق» كومانداسى «مەن - چەمپيونمىن» بالالاردىڭ سپورتتىق جوباسىندا سايىسقا تۇسكەن بولاتىن. العاشقى ساتتەردەن باستاپ قارسىلاس كوماندا «جايىقتى» ءوز جاعىنا تارتىپ الدى، ءبىراق بالا قاتتى قايسارلىق تانىتىپ قارسىلاستارىنىڭ ۇتىپ كەتۋىنە جول بەرگىسى كەلمەدى.
«بالالار 5 مينۋت ارقان تارتتى. كىشكەنتاي، ءبىراق قايتپاس قايسار ايباتىر ونىڭ كومانداسىن تۇگەلىمەن تارتىپ العان قىزىل جولاقتىڭ شەتىنە دەين كەلدى. سوسىن تىرىتىسىپ وتىرىپ الدى، جاتا قاپ ايقايلادى»، - دەيدى جوبا مەنەدجەرى ۋليانا اشيموۆا.
ايباتىردىڭ ءوز كومانداسىنىڭ جەڭىسكە جەتۋىن قاتتى قالاعانىن ايتادى. ارينە كوڭىلى قالدى، ءبىراق كەلەسى جىلى پەتروپاۆلعا قايتا كەلىپ، تاعى دا «مەن - چەمپيونمىن» جوباسىنا قاتىسقىسى كەلەدى. وكىنىشتىسى فينالعا ب ق و كومانداسى شىقپادى. «مەن - چەمپيونمىن» جوباسىنىڭ ۇيىمداستىرۋشىلارى ايباتىرعا جەڭىسكە دەگەن قۇلشىنىسى، كۇش- جىگەرى مەن نامىسى ءۇشىن ۆەلوسيپەد سىيلادى.
«مەن - چەمپيونمىن» ويىنىنىڭ جەڭىمپازى س ق و «سترەلا» كومانداسى بولدى، ەكىنشى ورىندى «سپارتاك» قىزىلوردا كومانداسى يەلەندى. جوباعا قازاقستاننىڭ 14 وڭىرىنەن جانە استانا، الماتى قالالارىنان 16 كوماندا قاتىستى. ويىن ءتورت كۇنگە سوزىلدى. 12-14 جاس شاماسىنداعى بالالار جىلدامدىق، ەپتىلىك جانە توزىمدىلىك بويىنشا سايىستى.
