20:49, 04 - قاراشا 2016 | GMT +5
بۇرىنعى ۆيتسە- مينيستر ءىرى كولەمدەگى پارامەن ۇستالدى - كەسكىن
استانا. قازاقپارات - سىبايلاس جەمقورلىققا قارسى ءىس- قيمىل ۇلتتىق بيۋروسى بىرنەشە رەت پارا العان ق ر ا ش م ۆەتەريناريالىق باقىلاۋ جانە قاداعالاۋ كوميتەتىنىڭ ءتوراعاسى ساقتاش حاسەنوۆتى ۇستادى.
كوميتەت ءتوراعاسى س. حاسەنوۆ بۇرىن مينيسترلىكتە جۇمىس ىستەگەن ءوزىنىڭ سەنىمدى ادامى ە. رەشەتكومەن الدىن الا ءسوز بايلاسىپ، قازاقستان اۋماعىنا ەت ونىمدەرىن اكەلۋگە رۇقسات بەرۋ بويىنشا قىلمىستىق سحەما ۇيىمداستىرعانى انىقتالدى.
س. حاسەنوۆ بەلگىلەنگەن باعا بويىنشا جۇيەلى تۇردە پارا الىپ وتىرعان. سونىمەن، قازاقستان اۋماعى بويىنشا 1000 توننا قۇس ەتىن كەدەرگىسىز وتكىزۋگە رۇقسات بەرگەنى ءۇشىن «حلادولەند» ج ش س باسشىلارىنان 5 ميلليون تەڭگە كولەمىندە كەزەكتى پارا الۋ بارىسىندا سىبايلاس جەمقورلىققا قارسى قىزمەت س. حاسەنوۆ پەن ە. رەشەتكونى ۇستادى.
ولار كىنالارىن تولىقتاي مويىندادى. قازىرگى ۋاقىتتا س. حاسەنوۆ اباقتىعا جابىلدى. سوت الدى تەرگەۋ جۇرگىزىلۋدە.
