الەم ەلدەرىندە جەزوكشەلەردى قالاي جازالايدى؟
ءبىزدىڭ ەلىمىزدە جەزوكشەلەرگە قاتىستى ماسەلە «ازىرگە» زاڭداستىرىلماعان. ويتكەنى، مۇنداي حارام ارەكەت دىنىمىزگە مۇلدەم قايشى دەپ جازادى «كوررەسپوندەنت».
كەيبىر ەۋروپا ەلدەرىندە ارنايى جەزوكشەلەر ءۇيى جۇمىس جاسايدى. وسىعان ساي، زاڭداستىرىلعان مەكەمە ۇكىمەتكە سالىق تولەيدى، سونداي-اق مەديتسينا جانە زاڭ سالاسىنىڭ وكىلدەرى سول جەردى قۇزىرىنا الىپ، بيىك تالاپ دەڭگەيىندە جۇمىس ىستەيدى.
سوڭعى كەزدە كينو، كوركەم ادەبيەت، باسقا دا بۇقارالىق اقپارات قۇرالدارىندا جەزوكشەنى بارىنشا جاعىمدى كەيىپكەر ەتىپ كورسەتۋ فاكتىلەرى كەزدەسۋدە. پروتەستانت ءدىنى كەڭ تارالعان باتىس ەۋروپا مەن سولتۇستىك امەريكادان بولەك، ءتىپتى ازيا حالىقتارى دا ىشتەي ازعىندىقپەن بۇلىنە باستادى.
مىسالى، بۇعان دالەل رەتىندە تايۆاندى الىپ قاراپ كورەلىك. بۇل ەلدە جەزوكشەلىكپەن تەك بيلىكتەن ليتسەنزيا العان قىزدار عانا اينالىسا الادى. الايدا، بۇل ارالدا 80 مىڭعا جۋىق قىزدار جول بويىنداعى جاڭعاق ساتۋشىلار كەيپىنە ەنىپ، «ۇيالشاق جەزوكشەلىكپەن» زاڭسىز اينالىسۋدا.
سونداي-اق تايۆانداعى «ۇيالشاق جەزوكشەلىكتىڭ» دامۋىنا سول ەلدە ورىن العان پروتەستانتتىق ادەپتىڭ دە كەسىرى تيسە كەرەك. سەبەبى، ناشاقورلىق بەلەڭ الىپ، «كوگىلدىرلەردىڭ» كوبەيۋى، ءبىر جىنىستى ادامداردىڭ نەكەلەسۋى سەكىلدى جاعدايلاردىڭ ناتيجەسى جەزوكشەلىكتىڭ دە دامۋىنا ىقپال ەتەدى.
قازىرگى تاڭدا تايۆاندا جەزوكشەلىكپەن اينالىسقاندارعا ايىپپۇل سالىنادى نەمەسە ءۇش كۇنگە قاماۋعا الىنادى. ءبىراق، بۇل شارالار دا قوعامنىڭ «مورالدىق كەلبەتىن» تۇزەتۋ ءۇشىن ءالسىز بولىپ تۇر.
ال گوللانديا بيلىگى جەزوكشەلەرگە سالىق سالۋدى كوزدەپ وتىرسا، يتاليا «ارام جولمەن كەلگەن» اقشانى سپورتتى جەتىلدىرۋ ءۇشىن جۇمسايدى ەكەن.
