قىتاي ءىرى زىمىران- تاسىعىش ۇشىردى
ءمالم بولعانداي، زىمىران 2016 -جىلدىڭ قىركۇيەك ايىندا حاينان پروۆينتسياسىنداعى ۆەنچاڭ ايلاعىنا جەتكىزىلگەن. ونى قۇراستىرۋعا 200 دەن استام جاڭا تەحنولوگيا قولدانىلعان.
ۇلتتىق قورعانىسقا ارنالعان ق ح ر عىلىم، تەحنولوگيالار جانە ونەركاسىپ مەملەكەتتىك اكىمشىلىگى (SASTIND) زىمىران- تاسىعىشتىڭ ەكولوگيالىق تازا وتىنمەن جۇرەتىنىن جانە جوعارى تۇراقتى باسقارۋ جۇيەسىنە يە ەكەنىن حابارلادى. قىتاي ايروعارىش عىلىمى جانە تەحنيكاسى كورپوراتسياسىنىڭ (CASC) قىزمەتكەرى جاۋ چاڭجياڭنىڭ ايتۋىنشا، وتىن رەتىندە سۇيىق سۋتەگى جانە سۇيىق وتتەگى قولدانىلعان. «ەگەر ۇشىرۋ ءساتتى جۇزەگە اسسا، قىتاي ەكولوگيالىق تازا زىمىراندار داۋىرىنە ەنەدى»، - دەدى ول. «ۇلى جورىق-5» جاڭا زامانداعى قىتايدىڭ ەڭ كۇشتى زىمىران- تاسىعىشى بولىپ سانالادى. 2020 - جىلى عالىمدار زىمىران كومەگىمەن جەر جانە مارستىڭ وتپەلى وربيتاسىنا زوند شىعارۋدى كوزدەپ وتىر.
