10:10, 04 - قاراشا 2016 | GMT +5
گولوۆكين بولماعاندا بوكسقا قايتىپ كەلمەيتىن ەدىم - پاكياو
استانا. قازاقپارات - الەمگە «پاكمەن» لاقاپ اتىمەن تانىمال فيليپپيندىق بوكشسى مەنني پاكياو بوكسقا قايتىپ كەلۋدىڭ سەبەبىن ايتتى. ونىڭ سوزىنە قاراعاندا، بۇل شەشىمگە جەرلەسىمىز گەننادي گولوۆكيننىڭ سوڭعى جەكپە- جەگى تۇرتكى بولدى،
دەپ حابارلايدى قازاقپارات ءتىلشىسى.
«نەگىزى، مەن بوكستا بولىپ جاتقان باسقا ءبىر جەكپە- جەكتەردى كوپ كورە بەرمەيمىن. وسى جولى سول ۇستانىمىمدى وزگەرتىپ، GGG مەن برۋك اراسىنداعى جەكپە- جەكتى كورىپ شىقتىم. سول كەزدە ىشتەي قامىعىپ، ءبىر ءتۇرلى جالعىزدىق سەزىمى پايدا بولدى. مەن بىلەمىن، قازىردىڭ وزىندە جىلدامدىعىم جاقسى، سوققىم دا جامان ەمەس. بوكسقا قايتىپ كەلۋگە نيەت تە بار. وسىدان كەيىن «جۇدىرىقتاسۋدى نەگە جالعاستىرماسقا؟» دەپ ءوز- وزىمە سۇراق قويدىم»، - دەدى م. پاكياو DailyMail گازەتىنە بەرگەن سۇحباتىندا.
ونىڭ سوزىنە قاراعاندا، گولوۆكين- برۋك جەكپە- جەگىن كورگەندە ەكىۇداي سەزىمدە بولدى. «ول جەكپە- جەك مەنى ءتۇرتىپ جىبەرگەندەي بولدى. ءدال سول كەزدە مەن بوكسقا قايتىپ كەلۋگە شەشىم قابىلدادىم»، - دەيدى پاكمەن.
اۆتور: ارمان اسقاروۆ
