ايدوس سارىم: قانداستارىمىزدى «قايتىڭىز» دەپ ەمەس، «كومەكتەسىڭىز» دەپ شاقىرۋ كەرەكپىز
بۇل بۇگىنگى قازاقستان حالقىنىڭ 5,5 پايىزىن قۇراسا، ەل ىشىندەگى قازاقتاردىڭ 11-12 پايىزى. قازاق تەك قازاقستان دەگەن ەلدە عانا ءوسىپ- ونە الادى، قازاقتىڭ جالعىز عانا مەملەكەتى بار دەگەن شەتەلدەگى قانداستارىمىزدىڭ نەگىزگى لەگى كوشىپ بولدى. دەگەنمەن شەتەلدە ءالى دە 5 ميلليونداي قازاق بار. ولار تۇرعان جەرلەرىن «وتانىمىز»، «تۋعان جەرىمىز»، «قازاق جەرى» دەپ سانايدى. نەگىزى تىنىس- تۇرمىسى جاقسى. ەتنومادەني قاجەتتىلىكتەرى وتەلىپ جاتىر.
سوندىقتان وتانىندا تۇرىپ جاتقاندارعا «وتانىڭىزعا قايتىڭىز!» دەپ ۇرانداۋدىڭ ءوزى قاتەلىك. ەلدىڭ تاۋەلسىزدىگىن قايتسەك كۇشەيتەمىز، قازاقتىڭ سانىن قالاي كوبەيتەمىز دەگەنىمىز شىن بولسا، شەتەلدەگى قازاقتارعا «قازاق مەملەكەتىنە قايتىڭىز!»، «قازاق مەملەكەتىنىڭ تاۋەلسىزدىگىن ساقتاپ قالۋعا ات سالىسىڭىز!»، «سىزدەر ەڭ الدىمەن قازاق مەملەكەتىنە اۋاداي كەرەكسىزدەر!»، «ارقانى قازاقتىڭ مەنشىگىندە ساقتاپ قالۋعا كومەكتەسىڭىزدەر» دەگەن ۇران سالۋىمىز قاجەت. بالكىم وسىنداي جاڭا، تىڭ ۇراندار قازاق كوشىنىڭ قايتا جانداۋىنا ىقپالىن تيگىزەتىن بولار دەپ سانايمىن. ءبىراق بۇل ءۇشىن قازاقستان قاعاز ەمەس، شىن مانىندەگى قازاق مەملەكەتىنە، بارشا الەم قازاقتارىنىڭ دۇنيەدەگى جالعىز مەملەكەتىنە اينالۋى ءتيىس.
«قامشى» سىلتەيدى
