ءتورت اياقپەن تۋعان ءۇندىستاندىق جىگىتكە كوپتەن كۇتكەن وپەراتسيا جاسالاتىن بولدى
بۇل تۋرالى Metro حابارلايدى.
جاس جىگىت كىشكەنتاي شاعىنان وتە قاتتى اۋىرادى جانە قوزعالىس كەزىندە قاتتى قينالادى. ارۋنا كۋماردىڭ ارتىق اياقتارى ارقا جاعىنان ءوسىپ شىققان. العاشقى بەس جىلدا اتا-اناسى ونى بارلىق اۋرۋحاناعا اپارعان. الايدا دارىگەرلەر بالاعا وتە كۇردەلى وپەراتسيانى جاساۋعا جۇرەكسىنىپتى.
جاسى وسكەن سايىن ول ارتىق اياقتارىنان قولايسىزدىقتى سەزە باستاعان. بۇل ونىڭ قوزعالىسى مەن ءجۇرىسىن ەداۋىر قيىنداتادى. ونىڭ قينالىسى الەۋمەتتىك جەلى قولدانۋشىلارىنان كومەك سۇراعانشا جالعاستى.
كۋماردىڭ حابارلاماسى دەليلىك دارىگەر حەمانت شارمنىڭ نازارىنا ىلىككەن. ول ەمدەلۋشىنىڭ ورگانيزمىنەن ەكىنشى جامباس ۇرىعىن تاۋىپ، ونى رەنگتەن اپپاراتىنا تۇسۋگە جىبەرەدى.
«دەنەسىنىڭ بۇل بەلسەندى ەمەس بولىگىنىڭ قانمەن قالاي قامتاماسىز ەتىلىپ تۇرعانىن ءبىلۋ كەرەك. سونىمەن قاتار، كۋمار دا ارتىق بۇيرەك بار ما دەگەنگە دە جاۋاپ ىزدەيمىز. سودان كەيىن عانا بارىپ وپەراتسيا تۋرالى ايتۋعا بولادى»، - دەيدى دارىگەر.
