جىل باسىنان بەرى ميللياردتاعان تەڭگەنىڭ جالعان كۋپيۋرالارى تاركىلەندى

استانا. قازاقپارات - قارجى مينيسترلىگى مەملەكەتتىك كىرىستەر كوميتەتىنىڭ مالىمەتىنە سايكەس، جىل باسىنان بەرى تاركىلەنگەن 1000، 2000، 5000 جانە 10000 تەڭگەلىك جالعان كۋپيۋرالاردىڭ جالپى سوماسى 2,2 ميلليارد تەڭگەنى قۇرادى، دەپ حابارلايدى قازاقپارات ءتىلشىسى.

كوميتەتتىڭ رەسمي وكىلى مۇرات جۇمابايدىڭ ايتۋىنشا، بۇرىن جالعان ءبىر كۋپيۋرا دۇكەندە، ءيا بولماسا باسقا جەردە انىقتالسا، ونى بىردەن تاركىلەپ، اينالىمنان شىعارىپ تاستايتىن. قىلمىستىق ىستەردى كوپ جاعدايدا اياعىنا دەيىن جەتكىزگەن جوق. سەبەبى جالعان اقشانى كىم جانە قالاي وتكىزگەنىن انىقتاۋ قيىنعا سوقتى. «قازىر ءبىر جالعان كۋپيۋرا انىقتالعان جاعدايدا بىردەن قىلمىستىق ءىس قوزعالادى. ول ءۇشىن ەكونوميكالىق تەرگەۋ قىزمەتىندە ارنايى قۇرىلىم بار. سول جەردە ماماندار ءاربىر كۋپيۋرانى ساراپتامادان وتكىزىپ، ورتاق بەلگىلەرى بويىنشا جالعان اقشانىڭ تارالعان جەرىن انىقتايدى. نەگىزگى ماقسات - ول اقشانىڭ سەحىن انىقتاۋ»، - دەيدى م. جۇمانباي.

ايتا كەتەيىك، بۇعان دەيىن الەۋمەتتىك جەلىلەر مەن ۇيالى مەسسەندجەرلەر ارقىلى «ماڭگىلىك ەل» سەرياسىمەن شىققان جالعان 1000 تەڭگە كۋپيۋرالارى تۋرالى ۆيدەو تاراعان بولاتىن. الايدا بۇگىن ۇلتتىق بانك جالعان اقشا جونىندەگى ۆيدەوعا قاتىستى تۇسىنىكتەمە بەردى.

اۆتور: ارمان اسقاروۆ