قاراعاندى وبلىسىندا دابىلدى ەسكەرتۋ جاريالاندى

قاراعاندى. قازاقپارات - «قازگيدرومەت» ر م ك دەرەكتەرى بويىنشا قاراعاندى وبلىسىندا 4 قاراشادا جاۋىن-شاشىن، كۇشتى جەل (وبلىستىڭ وڭتۇستىك جانە وڭتۇستىك-شىعىسىندا باسىمىراق) بولادى دەپ كۇتىلەدى، دەپ حابارلايدى ءوڭىردىڭ ت ج د باسپا ءسوز قىزمەتى.

سولتۇستىك باتىستان 15-20 م/س، وبلىستىڭ وڭتۇستىك جانە وڭتۇستىك-شىعىسىندا 18-23 م/س جەل سوعىپ، ۇيىتقۋى 30 م/س- تان استام بولادى.

كەي جەرلەردە تۇمان تۇسەدى (وبلىستىڭ سولتۇستىگىندە باسىم)، كوكتايعاق بولادى (وبلىستىڭ وڭتۇستىگىندە باسىم). سينوپتيكتەر جەرگىلىكتى تۇرعىندارعا مۇقيات بولۋدى، اۋا-رايىنىڭ وزگەرۋى تۋرالى اقپاراتقا قۇلاق اسىپ، بالالاردى قاراۋسىز قالدىرماۋدى؛ اۋا-رايىنا قاراي كيىنۋدى؛ اۋا-رايى بۇزىلعان كەزدە اسىرەسە تۇندە ۇزاق جولعا نەمەسە الىس ساپارعا شىعۋدان باس تارتا تۇرۋدى ۇسىندى.