عالىمدار مەكسيكادان ەكى باستى اكۋلا تاپتى - فوتو

استانا. قازاقپارات - عالىمدار سۋ جانۋارىنىڭ ەرەكشە ءتۇرىن تاپتى. گەنەتيكالىق اۋىتقۋشىلىعى بار اكۋلا تۇرلەرى زەرتتەۋشىلەردىڭ تاڭدانىسىن تۋعىزدى.

وسىدان بىرنەشە جىل بۇرىن فلوريدا جاعالاۋىندا بالىق اۋلاپ جۇرگەن ادامدار قۇرساعىندا ەكى باستى ۇرىعى بار اكۋلا تاۋىپ الدى. ال 2008-جىلى تاعى ءبىر بالىقشى ءۇندى مۇحيتىنان ەكى باستى كوگىلدىر ءتۇستى اكۋلاعا كەزىكتى، دەپ جازدى nationalgeographic.com.

سونداي-اق، 2011-جىلى كاليفورنيا بۇعازى مەن مەكسيكانىڭ سولتۇستىك-باتىسىنان تابىلعان قوس باستى اكۋلالارعا سيام ەگىزدەرى دەپ باعا بەرىلدى. جالپى قوس باستى اكۋلالار سانى ءبىر مەزەتتە كوبەيىپ كەتتى. سەبەبى جىرتقىشتىڭ بۇل ءتۇرى سول ۋاقىتتا 50 گە جۋىق بالا ومىرگە الىپ كەلگەن.

بۇل تۋرالى مەكسيكاداعى ۇلتتىق پوليتەحنيكالىق ينستيتۋتتاعى زەرتتەۋ جەتەكشىسى فەليپە گالۆان-ماگانيا ايتتى.

يسپاندىق زەرتتەۋشىلەر اتلانت مۇحيتىنان قوس باستى مىسىق تەكتەس اكۋلانى انىقتادى. زەرتتەۋشىلەر مۇنداي اكۋلانىڭ ادام ومىرىنە تۋعىزاتىن قاۋپىن انىقتاۋ ءۇشىن زەرتحانا جۇمىستارىن جۇرگىزدى. سول ۋاقىتتا اكۋلانىڭ جۇمىرتقاسىنان ەرەكشە ەمبريون تابىلدى.

قوس باستى جانۋار سيرەك كەزدەسەتىن گەنەتيكالىق اۋرۋعا شالدىققان. ەڭ ءارى دەگەندە جىرتقىشتىڭ بۇل ءتۇرى 42 كۇن ءومىر ءسۇرۋى كەرەك ەدى. الايدا ونىڭ عۇمىرى بۇل مەرزىمنەن اسىپ ءتۇستى.

عالىمدار زەرتتەۋ جۇرگىزۋ ءۇشىن اكۋلانىڭ جۇمىرتقاسىن اشتى. جوبا جەتەكشىسى ۆالەنتين سانس-كومانىڭ ايتۋىنشا، حايۋاننىڭ قانشا ۋاقىت ءومىر سۇرەتىنى جانە وزگەرىسكە ۇشىراۋ-ۇشىراماۋى بەلگىسىز. سەبەبى بۇل اكۋلانىڭ جۇمىرتقا جاسۋشاسىنان تابىلعان العاشقى سيامدىق ەگىزدەر. ولاردىڭ عۇمىرى ۇزاق بولمايدى دەگەن دە بولجام بار.

مۋتاتسيانىڭ سەبەپتەرى

سانس-كوما جانە ارىپتەستەرىنىڭ پايىمداۋىنشا مۇنداي ەكىباستى مىسىق-اكۋلانىڭ پايدا بولۋى گەنەتيكالىق اۋرۋعا شالدىققاننان بولۋى مۇمكىن، ويتكەنى ەمبريوندار زەرتحانادا 800 ۇلگى اراسىندا وسىرىلگەن. جىرتقىش اكۋلالاردىڭ ءوسىپ-دامۋى كوپتەگەن فاكتورلارعا بايلانىستى: ونىڭ ىشىندە ۆيرۋستىق ينفەكتسيالار، اينالانىڭ لاستانۋى، گەنوفوندتىڭ قىسقارۋى، ت. ب.

كەلەسى زەرتتەۋ ءۇشىن تەڭىز زەرتتەۋشىسى نيكوليا ەحمان اكۋلانىڭ ەكى ءتۇرىن الدى. ولاردىڭ ءبىرى تەگىس تەرىلى، ال ەكىنشىسى ۆەنەسۋەلادان تابىلعان اسپان تۇستەس اكۋلا. مەكسيكا پوليتەحنيكالىق ينستيتۋتىنىڭ ستۋدەنتى ەحماننىڭ پىكىرىنشە، تابيعاتتا مۇنداي قوس باستى حايۋاندار كوبەيەتىن بولسا، وندا زاپاستاعى بالىق قورىن جوياتىن جانداردى قىلمىستىق جاۋاپكەرشىلىككە تارتۋ كەرەك. سەبەبى بۇل جاعداي حايۋاننىڭ جويىلىپ كەتۋىنە اپارىپ سوقتىرۋى مۇمكىن.

ال 2011-جىلعى زەرتتەۋ اۆتورى گالۆان- ماگانيانىڭ پىكىرىنشە، ەكىباستى اكۋلالار سانى ازىرگە كوپ ەمەس.

گالۆان- ماگانيا بۇعان دەيىن دە ءتۇر-الپەتى ەرەكشە اكۋلالاردى كەزدەستىرگەن. 2011-جىلى مەكسيكادان تابىلعان جىرتقىشتىڭ نەبارى 1 كوزى بولعان.

ال ەحمان ۇسقىنسىز اكۋلالار زەرتتەۋگە قيىن تاقىرىپ ەكەنىن ايتىپ ءوتتى. سەبەبى الەمنىڭ بىرنەشە نۇكتەسىنەن تابىلعان بۇل جىرتقىشتى تابۋ وڭاي ەمەس.