بايان دا، بالالارى دا باقىتبەك ەسەنتايەۆتىڭ سوتىنا قاتىسپادى
ءبىراق، سوڭعى سوت وتىرىسىنا باقىتبەك ەسەنتايەۆتىڭ قىزدارى دا، بايان ماقسات قىزى دا كەلمەدى، دەپ حابارلايدى قازاقپارات ءتىلشىسى.
قازىر قورعاۋشىلار باقىتبەك ەسەنتايەۆقا تاعىلعان ايىپپەن كەلىسپەيمىز دەپ وتىر. ەندى ولار اپپەلياتسيالىق شاعىم تۇسىرمەك. باقىتبەك ەسەنتايەۆ ادام ولتىرۋگە وقتالۋ بابى بويىنشا كىنالى دەپ تانىلعان. الايدا، تاعايىندالعان جازامەن ونىڭ قورعاۋشىلارى تۇبەگەيلى كەلىسپەيدى.
«باقىتبەك ەگەر ولتىرەمىن دەسە، وندا ۋاقىت تا بولدى. ءبىراق ول ولتىرمەدى. بۇل ايىپ دۇرىس ەمەس. سوندىقتان ءبىز ءىستى بۇلاي قالدىرمايمىز. قايتا شاعىمدانامىز»، - دەدى باقىتبەكتىڭ قورعاۋشىسى بەكبولات جەكسەيىتوۆ. بايان ەسەنتايەۆانىڭ دا قورعاۋشىسى مارات اسقاربەكوۆ سوت تىم قاتال جازا تاعايىندادى، 9 جىل دەگەن وتە كوپ دەپ وتىر.
جانە ءوزىنىڭ اتالعان سوتتان كەيىن كوڭىل-كۇيى جوق ەكەنىن جۋرناليستەرگە جەتكىزدى. ايتا كەتۋ كەرەك، باقىتبەك ەسەنتايەۆتىڭ سوتى 18- قازاندا باستالدى. ءىس الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالدى. ەستەرىڭىزگە سالا كەتەيىك، بايان ماقسات قىزى بيىل 10- ماۋسىمدا بىرنەشە جەردەن پىشاقتالىپ، اۋىر جاراقاتپەن تالعار اۋدانىنداعى اۋرۋحاناعا تۇسكەن بولاتىن. بەلگىلى پروديۋسەر، ەكى بالانىڭ اناسى بايان ماقسات قىزىن ءوزىنىڭ كۇيەۋى ولتىرمەك بولدى دەگەن كۇدىكپەن باقىتبەك ەسەنتايەۆ ۇستالىپ، قاماۋعا الىندى.
سونداي-اق قازىرگى تاڭدا بايان بۇرىنعى تەگىنە قايتا ورالعان سىڭايلى. ول الەۋمەتتىك جەلىدەگى پاراقشالارىنا بايان ماقسات قىزى دەگەن تەگىن وزگەرتكەن.
اۆتور: سامال قابىشيەۆا
