ساعىنتايەۆ قىتايعا قاراي تەمىر جولمەن تاسىمالدى ارتتىرۋدى تاپسىردى
«ترانزيتتىك الەۋەتتى دامىتۋ ماسەلەسىنە توقتالاتىن بولساق، باياندامادان بايقاعانىمىزداي، تەك 11 پايىزى قىتايعا تيەسىلى. مەنىڭ ويىمشا، بۇل جۇمىستى ارى قاراي كۇشەيتۋ كەرەك. سەبەبى، رەسەي نەمەسە ورتالىق ازيا ءوڭىرى اياسىندا عانا اينالىپ ءجۇرۋ ءبىز بولجاعان كولەمنىڭ ۇدەسىنەن شىقپايدى»، - دەدى ب. ساعىنتايەۆ.
ونىڭ سوزىنە قاراعاندا، قورعاس پورتى ارقىلى كونتەينەرلىك تاسىمالدار ءجۇرىپ جاتىر، الايدا ءبىزدىڭ جاقتان پويىزدار جارتىلاي بوس كۇيىندە قايتىپ جاتقاندىعى تۋرالى ماسەلە كوتەرىلدى.
«ياعني، كونتەينەرلەر جۇكپەن تولىقتاي تيەلمەي جاتىر. وسى رەتتە ۆاگوندار بوس كۇيىندە قايتپاس ءۇشىن ءتيىستى شارالاردى قاراستىرۋ كەرەكتىگى تالقىلاندى. اسقار ۇزاقباي ۇلى، بۇل ماسەلەنى باقىلاۋعا الۋىڭىز كەرەك»، - دەدى ۇكىمەت باسشىسى ءبىرىنشى ورىنباسارى اسقار مامينگە قاراتىپ ايتقان سوزىندە.
اۆتور: رۋسلان عابباسوۆ
