12:34, 03 - قاراشا 2016 | GMT +5
لەنيننىڭ مۇردەسىنە تاتۋاج جاسالدى - كەسكىن
استانا. قازاقپارات - 92 جىل بۇرىن قايتىس بولعان ۆلاديمير لەنين قىزىل الاڭداعى مازاردا جەرلەنگەن. ونىڭ ءمايىتىن 12 مامان قارايدى. ولاردىڭ اراسىندا ۆيزاجيست (بەت ارلەۋشى) تە بار.
لەنيننىڭ دەنەسىن اپتاسىنا ەكى مارتە تەكسەرەدى دەيدى بۇرىنعى گريمەر. بەتىن ارنايى ەرىتىندىمەن ءسۇرتىپ، جارتى جىلدا ءبىر رەت مەديتسينالىق گريم جاسايدى ەكەن. بۇل پروتسەدۋراعا التى ساعات ۋاقىت كەتەدى.
«مەن ارنايى كوسمەتيكانىڭ كومەگىمەن ۆلاديمير لەنيننىڭ بەتىن تولىقتاي قالپىنا كەلتىردىم. ادامنىڭ تەرىسىنىڭ تۇسىندەي مەديتسينالىق كرەم جاعىلادى. قاسىن، كوزى مەن ەرنىن بوياۋ ءۇشىن ارنايى قارىنداش قولدانىلادى» - دەيدى گريمەر.
ساياساتكەردىڭ بەتىن قالپىنا كەلتىرۋ پروتسەسىن جەڭىلدەتۋ ءۇشىن تاتۋاج جاسالىپتى.
