ي م لاڭكەستەرى تۇركياعا سەس كورسەتەتىن كەسكىن جاريالادى
ول تۇركيانى «دىنسىزدەردىڭ وداقتاسى» دەپ اتاپ، وعان شابۋىل جاساۋعا شاقىرادى، دەپ جازدى ر ب ك.
ودان بولەك، حابارلامادا موسۋلعا شابۋىلداعان كواليتسيا قاتىسۋشىلارىنا دا سەس كورسەتىپ، موسۋل مەن نينيەۆيا پروۆينتسياسىنىڭ تۇرعىندارىن ي م ماڭىنا بىرىگۋگە شاقىرادى. Reuters اگەنتتىگىنىڭ جازۋىنشا، بۇل مالىمدەمە يراكتىڭ سولتۇستىگىن ازات ەتۋ وپەراتسياسى باستالعالى لاڭكەستەر باسشىسىنىڭ العاش رەت شىعۋى. سوڭعى ايدا ءال-باعداديدىڭ ورنالاسقان جەرىنىڭ بىرنەشە نۇسقاسى بولدى. Fars اگەنتتىگى يراكتاعى دەرەككوزدەرگە سۇيەنىپ، لاڭكەستەر باسشىسىنىڭ اۋىر جارالانىپ، كوپ ۇزاماي قايتىس بولعانىن حابارلاعان ەدى. بۇل تاقىرىپقا مالىمدەمەنىڭ بولماۋىن ۇيىم جاقتاستارىنىڭ قاشىپ كەتۋىنە جول بەرمەۋ ءۇشىن سودىرلاردىڭ ءوز كوشباسشىلارىنىڭ ءولىمىن حابارلاعىسى كەلمەۋىمەن ءتۇسىندىرىلدى. وزگە نۇسقا بويىنشا، ءال- باعدادي موسۋلدا جاسىرىنىپ وتىر نەمەسە سودىرلار وزدەرىنىڭ استاناسى دەپ سانايتىن راككا قالاسىنا قاشىپ كەتۋى مۇمكىن.
