پەتروپاۆلدا جۇزگە تارتا اققۋ مەن ۇيرەك مۇز قۇرساۋىندا قالىپ قويۋى مۇمكىن
ەندى سولتۇستىكتىڭ سۋىعىنان سەسكەنگەن ينسپەكتورلار قۇستاردى كۇن سايىن باقىلاۋدا ۇستاۋعا ءماجبۇر.
شاھار تۇبىندەگى كولشىك - قۇستاردىڭ الىسقا ۇشار الدىندا تىنىعىپ، ءال جينايتىن جەرى. بۇنداي كولشىكتەردىڭ وبلىستا ون شاقتىسى بار. وسىنداي توعانداردا ولار ءبىر ۇيىرگە توپتاساتىن كورىنەدى. نەگىزگى باعىتتارى - كاسپي تەڭىزى مەن دنەپر وزەنى. ءتىپتى ەۋروپاعا دا جەتەتىندەرى بار. ءبىراق جىل سايىن كەش ۇيالاعان قۇستاردىڭ قاناتى قاتايماعان بالاپاندارى مەن جارالى قۇستار مۇز قۇرساۋىندا قالىپ قويادى ەكەن. ەگەر اياز تۇسەر بولسا، ەكولوگتار توتەنشە جاعداي دەپارتامەنتىمەن بىرىگىپ قۇستاردى قۇتقارۋ وپەراتسياسىنا كىرىسپەك.
«ۇشا الماي قالعان قۇستاردى ءبىز توتەنشە جاعداي قىزمەتكەرلەرىمەن بىرگە اۋلاپ، جىلى ارنا دەپ اتالاتىن كولشىككە اپارمىز. ول جەردە قۇستار ەمىن- ەركىن قىستاپ شىعا الادى. قازىر كۇن سايىن وسىنداي كولشىكتەرگە بارىپ، قۇستاردى ساناپ باقىلاپ ءجۇرمىز»، - دەيدى س ق و ورمان شارۋاشىلىعى جانە جانۋارلار الەمى اۋماقتىق ينپسەكتسياسىنىڭ ءبولىم باستىعى ولەگ بەسپالوۆ.
