تەيلور سۆيفت الەمدەگى ەڭ قىمبات ءانشى اتاندى
تابىسىنىڭ باسىم بولىگىن مامىر ايىندا جاپونيادا باستالعان «1989» كونسەرتتىك تۋرىنان تۇسكەن كىرىستەر قۇرايدى. سونداي-اق، سۆيفت ديەتالىق گازدالعان سۋسىننىڭ، Apple ءونىمىنىڭ جانە Keds كومپانياسىنىڭ اياق كيىمدەرىنىڭ جارناماسىنان دا كولەمدى تابىس تاپقان. «ونىڭ تىڭدارماندارى جىلدان-جىلعا ءوسىپ كەلەدى جانە ولاردى نارىقتىڭ ءتۇرلى سالالارىنان كەزىكتىرۋگە بولادى»، - دەپ اتاپ ءوتتى Fox Rothschild زاڭگەرلىك كومپانياسىنىڭ شوۋ- بيزنەس جونىندەگى ساراپشىسى لوري لەندريۋ.
ەكىنشى ورىنعا ءانشى ادەل $80,5 ميلليون ناتيجەسىمەن تۇراقتادى. بۇل كورسەتكىش ازىرگە ءانشىنىڭ ەڭ ءىرى قارجىلىق تابىسى. ونىڭ تابىسىنىڭ نەگىزگى بولىگىن «25» البومىنىڭ ساتىلىمى جانە ونەر كورسەتۋىنەن تۇسكەن اقشا قۇرايدى. ءۇشىنشى ورىندا مادوننا تۇر، ونىڭ جىلدىق تابىسى $76,5 ميلليون بولعان. 2013 -جىلى مادوننانىڭ ءبىرىنشى ورىندا تۇرعانىن اتاپ وتكەن ءجون. ۇشتىككە ەنبەسە دە، ءتىزىمنىڭ الدىڭعى قاتارىنان ورىن العان رياننا ($75 ميلليون)، بەيونسە ($54 ميلليون)، كەتي پەرري ($41 ميلليون)، دجەننيفەر لوپەس ($39,5 ميلليون)، بريتني سپيرس ($30,5 ميلليون)، شانايا تۆەين ($27,5 ميلليون) جانە سەلين ديون ($27 ميلليون) بار.
