بىشكەكتە قازاقستان مەن قىرعىزستان ۇكىمەتتەرى باسشىلارىنىڭ ەكىجاقتى كەزدەسۋى وتۋدە

بىشكەك. قازاقپارات - بىشكەكتە «الا-ارچا» مەملەكەتتىك رەزيدەنتسياسىندا قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتايەۆ پەن قىرعىز رەسپۋبليكاسى پرەمەر-ءمينيسترىنىڭ مىندەتىن اتقارۋشى سوورونباي جەەنبەكوۆتىڭ ەكىجاقتى كەزدەسۋى باستالدى، دەپ حابارلادى بىشكەكتەگى «قازاقپارات» ح ا ا مەنشىكتى ءتىلشىسى.

تاراپتار ىنتىماقتاستىق پەرسپەكتيۆالارىن تالقىلايدى، اتاپ ايتقاندا، ساۋدا-ەكونوميكالىق ارىپتەستىك، مادەني-گۋمانيتارلىق بايلانىستاردى نىعايتۋ ماسەلەلەرى، كولىك، ونەركاسىپ، ەنەرگەتيكا سالاسىنداعى بىرلەسكەن جوبالار تالقىلانادى.

ەكىجاقتى كەلىسسوزدەر قورىتىندىسى بويىنشا ءبىرقاتار قۇجاتتارعا قول قويۋ جوسپارلانۋدا. اتاپ ايتقاندا، تەحنيكالىق قاۋىپسىزدىك، تەمىر جول تاسىمالدارىنا تاريفتەردى بىردەيلەندىرۋ، قازاقستان تاراپىنان «ە ا ە و- عا قىرعىزستاننىڭ قوسىلۋى بويىنشا جول كارتاسى» اياسىندا 100 ميلليون دوللار كولەمىندە قارجىلاي كومەك ءبولۋ بويىنشا ۇكىمەتارالىق كەلىسىمدەر.

ەسكە سالساق، باقىتجان ساعىنتايەۆ قىرعىزستانعا 3- قاراشادا قىرعىز رەسپۋبليكاسىنىڭ توراعالىعىمەن بىشكەكتە وتەتىن شاڭحاي ىنتىماقتاستىق ۇيىمىنا مۇشە مەملەكەتتەر ۇكىمەتتەرىنىڭ باسشىلار كەڭەسىنىڭ 15- مەرەيتويلىق وتىرىسىنا قاتىسۋ ءۇشىن باردى.