تابىسىنان تۇراقتى سالىق تولەيتىن انشىلەردى بىلەسىز بە
اگەنتتىكتىڭ رەسمي ساۋالىنا جاۋاپ بەرگەن ق ر قارجى مينيسترلىگىنىڭ مەملەكەتتىك كىرىستەر كوميتەتى اقپاراتىنا سايكەس، قازىرگى ۋاقىتتا اقپاراتتىق جۇيەلەر مالىمەتتەرىندە كونسەرتتىك قىزمەتپەن، سونداي-اق دەمالىس جانە ويىن-ساۋىقتى ۇيىمداستىرۋ بويىنشا باسقا قىزمەت تۇرلەرىمەن اينالىساتىن 4921 جەكە تۇلعا جانە 2029 زاڭدى تۇلعا تىركەلگەن. ال رەسپۋبليكا بويىنشا جالپى بيۋدجەتكە كونسەرتتىك قىزمەتپەن اينالىساتىن تۇلعالاردان 2015 -جىلى 520788581 تەڭگە، 2016 -جىلى 470775047 تەڭگە ءتۇسىم تۇسكەن. الايدا، جەكە انشىلەردىڭ 1 جىلدا تولەگەن سالىقتارىنىڭ كولەمىن انىقتاۋ مۇمكىن بولماي وتىر. وعان سەبەپ «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسى كودەكسىنىڭ 557-بابىنا سايكەس بانكتەر جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار تابىس ەتكەن مالىمەتتەر سالىق قۇپياسى بولىپ سانالادى ەكەن.
«شوۋ- بيزنەس جۇلدىزدارى شوعىرلانعان الماتى قالاسىندا ونەر سالىسىندا جانە كونسەرتتىك قىزمەت كورسەتەتىن 656 سالىق تولەۋشى تىركەلگەن. ونىڭ 443 ى - جەكە كاسىپكەر، 213 سى - زاڭدى تۇلعالار. تۇراقتى تۇردە سالىق تولەپ تۇراتىن ونەر قىزمەتكەرلەرى رەتىندە ايقىن تولەپبەرگەن، الماس كىشكەنبايەۆ جانە ءداۋىت شايحيسلاموۆتى اتاپ وتۋگە بولادى. بۇل جۇلدىزدار ەكى جىل بويى سالىق مولشەرىن تۇسىرمەي، ۋاقىتىلى تولەپ كەلەدى. 2016 -جىلى ولاردىڭ قاتارىنا باحتيار مامەدوۆ (Jah Khalib) قوسىلدى. استانادا سالىق تولەۋشى رەتىندە ەرلان كوكەيەۆتى، جانيا جۋرينسكايانى جانە قايرات بايەكەنوۆتى ايتۋعا بولادى»، - دەيدى كوميتەتتەن.
سونىمەن قاتار جاقىندا عانا ايبەك جانسەيتوۆ، ياعني بۇركىت، ديلناز احماديەۆا جانە ءالي وقاپوۆ سالىق تولەۋشى رەتىندە تىركەلگەن.
«وتكەن جىلى ەڭ كوپ مولشەردە سالىق تولەگەن ونەر جۇلدىزدارىن اتاپ وتكەنىمىز ورىندى. ولار: روزا رىمبايەۆا، ءداۋىت شايحيسلاموۆ جانە ليديا دوسالينا (ليدو). ال وسى جىلى بيۋدجەتكە ەڭ كوپ سالىق تولەگەن جۇلدىزداردىڭ اراسىنان باحتيار مامەدوۆ (Jah Khalib)، ءداۋىت شايحيسلاموۆ پەن ايقىن تولەپبەرگەندى اتاپ وتۋگە بولادى. اتالعان بەلگىلى تۇلعالاردىڭ ەرىكتى تۇردە ءوز تابىستارىن كورسەتىپ، سالىق تولەۋ ءۇردىسى بويىنشا وزدەرىنىڭ باسقا ارىپتەستەرىنە ۇلگى بولادى دەگەن سەنىمدەمىز»، - دەلىنگەن رەسمي جاۋاپتا.
